Сынау өчен бирелә бәхетләре,

Сынау өчен килә авырлык.
Сынмый үтәр өчен сынауларны,
Бер Аллаһым бирче сабырлык.
*****************************************2015ел.
Кеше күңеленнән түгелгәнгә,
Буламы соң көнчел, хөсетлек?
Йөрәктән чыккан саф хискә,
Барамы икейөзләнеп кигән битлек?
*********************************************2021ел.
Барда әйбәт,ал да гөл,
Аллаһ биргәнгә шөкер.
Риза булып якты дөньяга,
Булсын күңел тынычлыгында дөнья көтер.
****************************************************2020 ел.
Тезем чүктермәче йәә Раббым,
Ким хур итмә дөнья каршында.
Тезем чүктер бары иман байлыгында,
Дога, гыйбәдәт кылып яшәргә.
Авыр хәлдә калдырмачы үзең,
Чит-ят ишекләрен ачтырма.
Шулайда авыр хәлдәгеләрне күреп,
Гамьсез, битарафлыкка калдырма.
Көч, көдрәт бир миңа,
Бәхетем өчен сакта торырга.
Нахак, ялган,начар гайбәтләрдән,
Бары өстен булып калырга.
Артык бәхет синнән сорамыймын,
Сорыйм исәнлек-саулык,иман байлыгы.
Иман байлыгында кеше булып,
Яшәү бәхетленең зур байлыгы.
Көч, күркәм сабырлык бир,
Аера күрмә гаиләм, илемнән.
Дөрес яшәп камил акылымда,
Булыйм бәхетле үзең биргән гомеремнән.
***************************************************
РӘФИЛӘ КАРИМУЛЛИНА.МӘСКӘҮ-КАЗАН.