«Հայաստանի Ավտոմոբիլային ֆեդերացիա» ՀԿ-ն եվ «ԷՍ ԹԻ ԱՐ» ՍՊԸ-ն:

Սիրով հրավիրում է բոլոր լրատվական միջոցներին լուսաբանելու այս գեղեցիկ միջոցառումը։
ՀԱՖ-ի ԳԱՎԱԹ ԴՐԻՖՏ 2023 ԱՌԱՋՆՈՒԹՅԱՆ
V-րդ ՓՈՒԼ
«Հայաստանի Ավտոմոբիլային ֆեդերացիա» ՀԿ-ն եւ «ԷՍ ԹԻ ԱՐ» ՍՊԸ-ն 2023
թվականի նոյեմբերի 19-ին Հայաստանում կանցկացնեն այս տարվա վերջին ՀԱՖ-ի Գավաթ
«Դրիֆտ 2023» V-րդ փուլի միջոցառումը:
Միջոցառման անցկացման հասցեն է՝ Հայաստան, Արարատի մարզ, Հովթաշեն 1,
ավտոշուկայի ավտոպարկ:
Միջոցառման անցկացման ժամը՝ 09։00-ից - 18։00-ը։
Միջոցառման Գլխավոր մրցավարն է՝ Արեւելյան Եվրոպայի Դրիֆտի կազմակերպիչ,
Միջազգային ֆեդերացիայի մրցավար՝ Հայկ Սիմոնյանը:
Միջոցառման նպատակն է՝ հարեւան երկների հետ բարեկամության եւ
համագործակցության ամրապնդումը, ավտոսպորտի եւ տուրիզմի զարգացումը, անվտանգ
երթեւեկության խթանումը:
«Դրիֆտ 2023» առաջնության V-րդ փուլին մասնակցելու են ոչ միայն Հայաստանի, այլ
նաեւ մեր հարեւան Վրաստանից եկած ավտոմարզիկները: 20-25 պրոֆեսիոնալ
ավտոմարզիկներ կցուցադրեն ամենադիտարժան դրիֆթ շոուն՝ փակելով 2023 թվականի
դրիֆտի սեզոնը:
Միջոցառմանը ներկա են լինելու Իրանի Իսլամական Հանրապետության
մոտոցիկլետների եվ ավտոմոբիլային ֆեդերացիայի ներկայացուցիչները, որոնք
ժամանելու են Հայաստան կնքելու ՀԱՄԱԳՈՐԾԱԿՑՈՒԹՅԱՆ ՀՈՒՇԱԳԻՐ մեր երկու
պետությունների միջեւ, ինչը կնպաստի ավտոսպորտի եւ տուրիզմի զարգացմանը:
Միջոցառմանը ներկա են լինելու նաեւ Իրանի Իսլամական Հանրապետության
դեսպանը Հայաստանում եվ այլ բարձրաստիճան հյուրեր:
Միջոցառման մասին լրացուցիչ տեղեկություններ կարող եք ստանալ զանգահարելով
+374 99 454552 հեռախոսահամարին, ինչպես նաեւ այցելելով STR մարզական ակումբի
ֆեյսբուքյան էջը։