3 фев 2022
Зянон.
ПРЫПАВЕСЬЦЬ АБ НЯВОЛІ
Пасьля доўгіх акупацыяў, пасьля доўгай няволі некалі вялікай краіны, пасьля доўгага вынішчэньня нацыі, мовы, гонару і свабоды заўсёды сярод страху, здрады, бяспамяцтва і аняменьня застаецца, жыве авангард незабаўных, нават вельмі маленькі. Але ў часы буры, павароту і ўпадку прыгнёту ён здольны ахвярна здабыць для народа свабоду і волю для ўсіх. І тады ўсе вольна, шчасьліва ідуць на вольныя выбары і выбіраюць -- ворага. Так паўтараецца кола зла.
2. 02. 2022 г.
Комментарии
Для того чтобы оставить комментарий, войдите или зарегистрируйтесь
Дэградацыя і маразм Нобэлеўскага Камітэту, захопленага лібэральнямі левакамі, дасягнуў дна, на мой погляд, тады, калі авансам прысудзілі Нобэлеўскую прэмію толькі што абранаму прэзідэнту ЗША Абаму. (І ён узяў тую прэмію.) Далей можна было чакаць усяго -- і прэмій псіхічна хворым падлеткам, і маргінальным творцам, і палітычным пустацьветам, і, магчыма, нават асобінам жывёльнага асяроддзя. (Тут іронія, але калі б тое сталвася -- я не зьдзівіўся б.)
Прэмія Нобэля ўжо даўно ператварылася ў лявацкае палітыканства і выкарыстоўваецца для прапаганды і падняцьця ідэалагічнага і палітычнага прэстыжу пэўных людзей пэўнай масьці. Адначасна одбываецца штучнае ўзьвялічваньне і узвышэньне вагі скампрамэтаванай прэміі. На мой погляд становішча з прэміяй Нобэля ёсьць адлюстраваньнем агульнага крызісу ўсёй заходняй лева-лібэральнай дэмакратыі.
31 студзень 2021 г. Зянон Пазьняк