BBC UZBEK
15 мар 2018

Yoqutistonda samolyotdan oltin sochildi

Rossiyaning Yakutsk aeroportidan xabar qilishlaricha, An-12 transport samolyoti osmonga koʻtarilayotgan payti "oʻta qimmatli yuk" tushib ketgan.
"15 mart kuni "Nimbum" aviakompaniyasiga tegishli An-12 transport samolyoti Yakutsk aeroportidan koʻtarilayotganda havo oqimi yuk lyukining chap tavaqasini yulib olgan. Ekipaj havo kemasini Yakutsk aeroportiga qaytarish haqida qaror qabul qilgan", deyiladi xabarda.
Dastlab samolyotdan oltin qulagani haqida habar tarqalgan. Keyinchalik "Interfaks" axborot agentligiga gapirgan rasmiylardan biri, samolyotga ortilgan yuk oltin emas, kumush edi, deb aytgan. "Mendagi axborotga koʻra, bortda kumush quymalari boʻlgan. Hammasi boʻlib qimmatbaho metallning 200 quymasi. Yukning bir qismi uchish-qoʻnish yoʻlagiga tushgan", - deb aytgan "Interfaks" manbasi.
Ushbu hodisa yuzasidan tekshiruv boshlagan Rossiya Tergov qoʻmitasi xabarida soʻz "9,3 tonnaga yaqin qimmatbaho metall" haqida boradi.
Tergov qoʻmitasiga koʻra, yuk Chukotkadagi kon-metallurgiya kompaniyasiga tegishli boʻlgan. Bu kompaniya Chukotkadagi Kupol deb nomlanadigan konda qazish ishlari bilan shugʻullanadigan Kanadaning Kinross Gold korporatsiyasi tarkibiga kiradi.
"Interfaks" axborot agentligiga Kinross Gold shirkatining Moskvadagi vakolatxonasi rahbari Stanislav Borodyuk aytishicha, uchoqdan qulagan quymalar Dore qorishmasi deb ataladi, uning tarkibiga kumush va oltin kiradi(uning necha foizini oltin, necha foizini kumush tashkil etishi haqida maʼlumot bermagan.
Janob Borodyuk soʻzlariga koʻra, toʻkilib ketgan hamma quymalar topilgan. "Barcha yuk yigʻib olindi, hech qanday yoʻqotish yoʻq, shuning uchun sugʻurta masalasi ham koʻtarilgani yoʻq", deb aytgan Stanislav Borodyuk.
Aeroport maʼmuriyati xabar qilishicha, samolyot soz boʻlgan. Matbuot xizmati xabariga koʻra, uchoqni parvozga ekipaj tarkibiga kirgan mutaxassislar tayyorlashgan. sakhaday.ru portali axborotiga koʻra, uchoq lyuki eshigi uzilib tushganidan keyin "oʻta qimmat yuk" yoʻqolgan. Shu tufayli politsiya aeroportda yoʻlovchi va haydovchilarning yon-atrofini titkilab tekshirishni boshlagan.
Matbuotda eʼlon qilingan fotosuratlarda samolyot yuk lyukining pastki tavaqalari yoʻqligini koʻrish mumkin. Lyuk eshigi yopiq holda turibdi, bu eshiklarining chetlari ancha shikastlangan. Mutaxassislar fikricha, bunday shikastlanishga yukning notoʻgʻri mahkamalangani sabab boʻlishi mumkin.
Hodisadan keyin samolyot Magan aeroportiga beshikast qoʻngan. yakutiamedia.ru portali xabar qilishicha, kuchishlatar tizimlari uchish-qoʻnish yoʻlagi atrofini oʻrab olganlar, hududga hech kimni kirgizmaganlar. Aeroportda politsiyaning xavfsizlik choralari kuchaytirilgan. BBCUZBEK.COM bilan Telegram orqali +44 7858860002 nomeri bilan bogʻlaning. Telegram kanalimiz: https://t.me/bbcuzbek http://www.bbc.com/uzbek/world-43416089 #bbcuzbek #Rossiya #Yakutsk #Magan #aeroport #oltin #An12 #transport #samolyot #yuk #politsiya #xavfsizlik #Kinross #Gold #Moskva #Stanislav #Borodyuk

No image
Ёқутистонда самолётдан олтин сочилди
Россиянинг Якутск аэропортидан хабар қилишларича, Ан-12 транспорт самолёти осмонга кўтарилаётган пайти "ўта қимматли юк" тушиб кетган. Маҳаллий матбуот хабарларига кўра, гап бир неча тонна олтин ҳақида бормоқда. Инте...
BBC O'zbek
Россиянинг Якутск аэропортидан хабар қилишларича, Ан-12 транспорт самолёти осмонга кўтарилаётган пайти "ўта қимматли юк" тушиб кетган.

"15 март куни "Нимбум" авиакомпаниясига тегишли Ан-12 транспорт самолёти Якутск аэропортидан кўтарилаётганда ҳаво оқими юк люкининг чап тавақасини юлиб олган. Экипаж ҳаво кемасини Якутск аэропортига қайтариш ҳақида қарор қабул қилган", дейилади хабарда.

Дастлаб самолётдан олтин қулагани ҳақида ҳабар тарқалган. Кейинчалик "Интерфакс" ахборот агентлигига гапирган расмийлардан бири, самолётга ортилган юк олтин эмас, кумуш эди, деб айтган. "Мендаги ахборотга кўра, бортда кумуш қуймалари бўлган. Ҳаммаси бўлиб қимматбаҳо металлнинг 200 қуймаси. Юкнинг бир қисми учиш-қўниш йўлагига тушган", - деб айтган "Интерфакс" манбаси.

Ушбу ҳодиса юзасидан текширув бошлаган Россия Тергов қўмитаси хабарида сўз "9,3 тоннага яқин қимматбаҳо металл" ҳақида боради.

Тергов қўмитасига кўра, юк Чукоткадаги кон-металлургия компаниясига тегишли бўлган. Бу компания Чукоткадаги Купол деб номланадиган конда қазиш ишлари билан шуғулланадиган Канаданинг Kinross Gold корпорацияси таркибига киради.

"Интерфакс" ахборот агентлигига Kinross Gold ширкатининг Москвадаги ваколатхонаси раҳбари Станислав Бородюк айтишича, учоқдан қулаган қуймалар Доре қоришмаси деб аталади, унинг таркибига кумуш ва олтин киради(унинг неча фоизини олтин, неча фоизини кумуш ташкил этиши ҳақида маълумот бермаган.

Жаноб Бородюк сўзларига кўра, тўкилиб кетган ҳамма қуймалар топилган. "Барча юк йиғиб олинди, ҳеч қандай йўқотиш йўқ, шунинг учун суғурта масаласи ҳам кўтарилгани йўқ", деб айтган Станислав Бородюк.

Аэропорт маъмурияти хабар қилишича, самолёт соз бўлган. Матбуот хизмати хабарига кўра, учоқни парвозга экипаж таркибига кирган мутахассислар тайёрлашган.

sakhaday.ru портали ахборотига кўра, учоқ люки эшиги узилиб тушганидан кейин "ўта қиммат юк" йўқолган. Шу туфайли полиция аэропортда йўловчи ва ҳайдовчиларнинг ён-атрофини титкилаб текширишни бошлаган.

Матбуотда эълон қилинган фотосуратларда самолёт юк люкининг пастки тавақалари йўқлигини кўриш мумкин. Люк эшиги ёпиқ ҳолда турибди, бу эшикларининг четлари анча шикастланган. Мутахассислар фикрича, бундай шикастланишга юкнинг нотўғри маҳкамалангани сабаб бўлиши мумкин.

Ҳодисадан кейин самолёт Маган аэропортига бешикаст қўнган. yakutiamedia.ru портали хабар қилишича, кучишлатар тизимлари учиш-қўниш йўлаги атрофини ўраб олганлар, ҳудудга ҳеч кимни киргизмаганлар. Аэропортда полициянинг хавфсизлик чоралари кучайтирилган. 

BBCUZBEK.COM билан Telegram орқали +44 7858860002 номери билан боғланинг. Telegram каналимиз: https://t.me/bbcuzbek
No image
BBCUZBEK
O'zbekiston, mintaqa va dunyo xabarlari
Telegram

Комментарии