104-ты мікрараён Гомеля стаў абслугоўвацца ў новым паштовым памяшканні!

Жыхары Паўднёвага мікрараёна Гомеля, вядомага як 104-ы, цяпер абслугоўваюцца ў новым памяшканні аддзялення паштовай сувязі. З нязручнага кіёска яно цяпер пераехала ў будынак гандлёвага цэнтра на вуліцы Дубраўнай, 11.
Першыя кліенты атрымалі падарункі ў дзень адкрыцця, а астатнія больш чым 12 тысяч будуць наведваць пошту па меры неабходнасці. Нацыянальны аператар паштовай сувязі краіны чарговы раз падкрэсліў галоўную сваю місію: быць бліжэй да кліентаў. Плошча новага аб'екта складае каля 40 кв. м. За ўласныя сродкі прадпрыемства зрабіла поўны комплекс рамонтных работ, і зараз аддзяленне адпавядае ўсім сучасным патрабаванням. У аперацыйнай зале арганізавана два працоўныя месцы, дзе будзе ажыццяўляцца ўвесь спектр неабходных паслуг, у тым ліку і дастаўка паштовых адпраўленняў. Створаны максімальна камфортныя ўмовы як для супрацоўнікаў аддзялення, так і для кліентаў. http://zviazda.by/be/news/20180123/1516720618-104-ty-mikrarayon-gomelya-stau-abslugouvacca-u-novym-pashtovym-pamyashkanni