Увечары 28 красавіка Віталь Рымашэўскі заявіў у сваім блогу ў Facebook пра свой удзел у выбарах у Каардынацыйную рады ад аб'яднання"Наша Справа".

Спіс "Наша Справа" ўзначальвае Роза Турарбекава, былая выкладчыца і дацэнт кафедры міжнародных адносін Беларускага дзяржаўнага ўніверсітэта.
Паводле яго слоў, яны ідуць у Каардынацыйную Раду, каб не дапусціць устанаўлення жалезнай заслоны паміж Беларуссю і Еўрапейскім Звязам.
Зрабіць так, каб беларусы маглі свабодна вандраваць, вучыцца, працаваць і весці бізнес у Еўрапейскім Звязе, бо санкцыі павінны дзейнічаць выключна супраць тых, хто адказны за рэпрэсіі і гвалт у Беларусі, а не супраць тых беларусаў, якія працягваюць змагацца за свабоду і дэмакратыю ўнутры краіны і за яе межамі.
Таксама Віталь Рымашэўскі заклікае падтрымаць гэты спіс, каб зрабіць Еўропу больш адкрытай для беларусаў.