ЭРЬВА ИЕСТЭ ЭРЗЯНЬ КЕЛЕНЬ ЧИСТЭ ЯВОЛЯВТОВИ А.

П.РЯБОВ ЛЕМСЭ КАЗНЕНЬ ЛАУРЕАТ.
Фондонть Ветикурось ( Правлениясь) яволявты: 2024 иень Анатолий Павлович Рябовонь лемсэ Казненть ды Лауреатонь лементь максомс Василий Сергеевич Брыжинскийнень.
Василий Сергеевич эрзянь содавикс театровед, режиссёр, сёрмадыця. Сон кувать важодсь телевидениясо, университетсэ, ульнесь Раськень культурань факультетэнь васенце деканокс. Сёрмадсь наукань ламо важодевкст минек раськень театрадонть, налксематнеде. Нолдась книгат, ютксост колмо томсо – «Каргонь Кинь ломанть» сагась, кона ютавтозь рузонь кельскак. Василий Сергеевич – МАССР-нь ды Россиянь культурань заслуженной важодиця, Мордовиянь Государственной премиянь лауреат. Сон пек мелявты эрзянь раськедензэ ды ламо теи сонзэ кепедемга.
Ваннынк, ялгат, В.С.Брыжинскойде невтеманть, кона теезель 2014 -це иестэ. https://www.youtube.com/watch?v=LXgDhwaDSLs&pp=ygUg0L3QtSDQtNCw0YLRjCDQuNGB0YfQtdC30L3Rg9GC0Yw%3D