Дзень роднай мовы прайшоў, але Тыдзень мовы працягваецца, асабіста для мяне))) Па прапанове дырэктара установы ГУК "Барысаўская цэнтральная раённая бібліятэа імя І.

Х.Каладзеева" Алены Капыток, прыняла сёння ўдзел у мерапрыемстве, якое арганізавала з нагоды Міжнароднага Дня роднай мовы Нацыянальна-культурная аўтаномія «Белорусы Москвы», пры падтрымцы Цэнтра славянскіх культур Бібліятэкі замежнай літаратуры імя Рудаміно. Шмат цікавых выступленняў навукоўцаў і практыкаў, тых, хто любіць, ведае і паважае беларускую мову, незалежна ад месца жыхарства і нацыянальнасці. Уражана выступленнем выкладчыкаў і студэнтаў Гродненскага дзяржаўнага універсітэта імя Я.Купалы, нават кавалачак відэа запісала. Запрашаю паглядзець і маё выступленне, прысвечанае творчасці Уладзімра Ліпскага, а дакладней, яго кнізе малітваў-прытчаў "Памілуй і узвысь"...