#бібліятэка#дзень_маці#літаратурнае_кафэ#тыдзень_бацькоўскай_любові

У Беларусі з 14 па 21 кастрычніка праходзіць Тыдзень бацькоўскай любові. У рамках святочнага тыдня, 17 кастрычніка, вучні 5 і 8 класаў разам з класнымі кіраўнікамі наведалі літаратурнае кафэ "Жанчына-маці ў творах беларускіх пісьменнікаў" і адзначылі Дзень маці.
Напачатку бібліятэкар правяла агляд твораў, прысвечаных найдаражэйшаму ў свеце чалавеку - маці. Бібліятэкар раскрыла вобразы гераінь, акцэнтавала ўвагу на іх самаахвярнасці, цярпялівасці, моцы іх любові да дзяцей, часам, нават да чужых. Маці-працаўніца, маці-руплівіца, маці - ўвасабленне і прыклад чалавечай дабрыні, высакароднасці, працавітасці.
Далей мерапрыемства праходзіла ў выглядзе бяседы з чаяваннем. Дзецям было прапанавана выбраць верш у меню кафэ і прачытаць яго.
Хлопчыкі і дзяўчынкі зразумелі, што пакуль жывыя маці, бацька, пакуль яны сустракаюць нас ласкавымі ўсмешкамі, мы адчуваем сябе маладымі і дужымі, упэўненымі ў заўтрашнім дні. І таму трэба берагчы і шанаваць бацькоў, прыносіць ім толькі радасць.