ЛОТКАСЬ ВИРЕСЬ КАШТОРДОМО

(нурькине ёвкске Тумонь Сантяй пельде)
Ранги масторавась, ранги вирьавась! Эрьва чистэнть вирень куротнева кадовильть ансяк керязь чувтынень мукорть. Керясь эйсэст укшторонь кечке марто узересь, теке превстэ явсь стакаморноесь. И чувтынетне, теке меньгак апародо корчавсть, кенярксчисэ аштесть эйсэст керсиця - чавиця узеренть кувалма. Ловсть узеренть малавикс ялаксокс - укшторонь кедь кечкенть кисэ, явсть кшнинь човонентень мельванома.
-Сон минек кондямо, сэтьме чувтонь седей! Истя арсесть - кортасть лопинесэст чувтотне эсь ютковаст.
Ламо иеть, иредезь чувтотне, кочкилезь чавиця укшторо кечке узеренть - чувтопрявтокс. Путылезь вирень азорокс керсиця -чави кисканть. Ды вана сась чи, вейке превей туминесь арсезевсь.....
Кортась туминесь ялганстэнь
Кунсоломак пекшинем
Иля кеме узерентень
Акемевикс ятонтень
Кенярдовты сонзэ эйсэ
Кундамо чувтонь кечкесь
Тейни прянзо укшторынекс
Чеменев кельме седей
Зяро мазыйть од чувтынеть
Манявсть седеень панжозь
А шкастонзо мусть кулома
Лаксевсть, норксевсть ды чаповсть
Сельмтне ингельде велявтозь
Прянок пурдавсть удалов
Чийтяно икеле пелев
Кажов канстонть кантано...