IFFHS ligalar reytingini e’lon qildi – APL 1-o‘rinda, O‘zbekiston Superligasi o‘tgan yilgidan 5 pog‘onaga yuqoriladi

Futbol tarixi va statistikasi xalqaro federatsiyasi (IFFHS) 2019 yil yakunlari bo‘yicha milliy chempionatlar reytingini e’lon qildi.
Reytingda 1-o‘rinni 2009 yildan so‘ng ilk bor Angliya Premer-ligasi egalladi. 2-o‘ringa Braziliya chempionati, 3-o‘ringa La Liga joylashdi.
Ma’lumot uchun, o‘tgan yili La Liga 1-o‘rinni, APL 2-o‘rinni, Braziliya chempionati esa 3-o‘rinni egallagandi.
Reytingda O‘zbekiston Superligasi 2018 yildagi o‘rnidan (72) 5 pog‘onaga yuqorilab, 67-o‘ringa joylashdi. Bu OFK ligalari orasida Janubiy Koreya (30-o‘rin), Saudiya Arabiston (32-o‘rin), Yaponiya (37-o‘rin), Xitoy (39-o‘rin) va Eron (60-o‘rin)dan so‘ng 6-ko‘rsatkichdir.
1. Angliya – 1287 ball
2. Braziliya – 1165
3. Ispaniya – 1141
4. Italiya – 939
5. Kolumbiya – 849
6. Portugaliya – 834
7. Fransiya – 818
8. Niderlandiya – 790,5
9. Argentina – 776
10. Germaniya – 765,5
...
67. O‘zbekiston – 292,5