FUTBOL YANGILIKLARI

8 авг 2022

Ҳоланд АПЛда голлари ҳисобини очди: у ҳақда билиш керак бўлган ҳамма нарса

Ҳоланд АПЛда голлари ҳисобини очди: у ҳақда билиш керак бўлган ҳамма нарса - 929725018481
«Манчестер Сити» ҳужумчиси Эрлинг Ҳоланд Суперкубок учун «Ливерпул»га қарши ўтказилган баҳсда кўнгилни бироз хира қилганди. Аммо Англия Премьер-Лигасидаги дебют ўйинида 2 та гол уриб, «шаҳарликлар»га ғалаба келтирди ва шубҳаларни тарқатиб юборди. Унинг ҳаёти ва фаолиятига оид қизиқарли фактлар билан танишиб олишнинг айни вақти.

Сўнгги мавсумларда Эрлинг Ҳоланд дунё футбол ҳамжамиятининг диққат марказида турибди. Норвегиялик суперюлдуз футболдаги энг қизиқ қаҳрамонлардан биридир. Ўсмирлик даврида саҳнага чиққанидан бери у рекордларни янгилади, дарвозабонларни уялтирди ва худди Килиан Мбаппе каби ўзини Лионел Месси ва Криштиану Роналдунинг меросхўри сифатида кўрсатмоқда.

Ҳоланд нафақат «гол машинаси», балки ғалати ва қизиқарли шахсдир. У Премьер-Лигада гол ура бошлади. GOAL нашри эса унинг ҳаётига оид қизиқарли фактларни жамлади.
Ҳоланд АПЛда голлари ҳисобини очди: у ҳақда билиш керак бўлган ҳамма нарса - 929725017969
Лидсда туғилган – Англия миллий жамоасида ўйнаши мумкин эди

Инглиз футболидан жуда яхши хабардор бўлганлар биладики, Эрлингнинг отаси Альф-Инге ҳам футболчи бўлган ва Премьер-Лигада ўйнаган.

У «Манчестер Юнайтед» яримҳимоячиси Рой Кин билан боғлиқ воқеалар туфайли машҳур. Альфи 1997 йилда «Лидс» таркибида ўйнаганида Рой Кин билан тўқнашиб, унга оғир жароҳат етказган. Оқибатда Кин бир йил даволанишга мажбур бўлган. 2001 йилда эса «Манчестер Сити» таркибида ўйнаганида Кин унга қарши қўпол ўйнаб, жароҳатлаган. Англия матбуоти Кин ундан қасос олиш учун атайлаб қўполлик қилганини ёзган. 2003 йилда Альфи футболчилик фаолиятини якунлаган. Бунга айнан Кин томонидан етказилган жароҳат сабаб бўлгани ҳақида миш-мишлар бор. Аммо Альфи буни ҳар доим рад қилиб келади.

Альфи фаолияти давомида «Ноттингҳем Форест», «Лидс Юнайтед» ва «Манчестер Сити» каби клубларда ўйнаган. Айнан Лидсда унинг ўғли Эрлинг дунёга келади.

Аммо Эрлинг ҳеч қачон Англия миллий жамоаси таркибида ўйнаш ҳақида ўйламаган ва иккиланмасдан Норвегия миллий жамоасини танлаган.
Ҳоланд АПЛда голлари ҳисобини очди: у ҳақда билиш керак бўлган ҳамма нарса - 929725019249
«Сити»нинг мухлиси сифатида тарбияланди

Лидсда туғилган бўлишига қарамай, Ҳоланд болалигидан отаси тўп тепган «Манчестер Сити» клуби ишқибози ҳисобланади.

Одатда футболчилар қайсидир клуб билан шартнома имзоласалар, одоб нуқтайи назаридан ёшлигидан унинг ишқибози бўлганини айтишади. Эрлинг «Сити» билан шартнома имзолаганида ҳам бу гапларни айтди, аммо бу айни ҳақиқат эди.

«Мен Англияда туғилганман. Мен бутун умр «Сити»га мухлислик қилганман. Мен клуб ҳақида кўп нарсани биламан. Шартномани имзолаш қарорим иккита нарсага боғлиқ эди: бу ерда ўзимни уйдагидек ҳис қиламан ва «Сити»да ўзимни ривожлантириб, имкониятимдан максимал даражада фойдалана олишимга ишонаман».

У спортчилар оиласида улғайди

Ҳоланднинг нафақат отаси, балки онаси ҳам спортчи бўлган, ҳа у чинакам спортчилар оиласида улғайди. Онаси Грю Марита Брёут гептатлон бўйича Норвегия чемпиони эди.

Жаҳон рекордчиси

Қизиғи шундаки, Эрлинг ёшлигида футболда эмас, балки енгил ателтикада ном қозонишга эришди. У мураббий Андре Остгард қўл остида спортнинг ушбу тури билан шуғулланган.

5 яшарлигида болалар ўртасидаги мусобақада қатнашиб, турган жойда узоққа сакраш бўйича жаҳон рекордини ўрнатган - 1,63 метр!

У бошқа спорт турини танлашига сал қолганди

Отасининг сўзларига кўра, Эрлинг нафақат енгил атлетикада, балки бошқа спорт турларида ҳам ўзини кўрсата олган.

«Футболдан олдин бошқа спорт турларига қизиқар эди. Биз уни енгил атлетикага олиб бордик. Эрлинг 14 ёшигача ҳандбол, енгил атлетика ва чанғи спорти билан шуғулланди. Норвегия миллий жамоаси бош мураббийи унинг ҳандбол билан шуғулланишини хоҳлаганди», - дейди у.
Ҳоланд АПЛда голлари ҳисобини очди: у ҳақда билиш керак бўлган ҳамма нарса - 929725018993
Яхшиямки, у футболни танлади

Катта футболга қадам босиши учун Ҳоландга кўп вақт керак бўлмади.

16 ёшли Эрлинг «Брюн» клубининг ўсмирлар жамоаси таркибида 14 та ўйинда 18 та гол ургач, ўз ёш тоифасидаги Норвегия миллий жамоасидан чақирув олди.

Бир ўйинда тўққизта гол?!

Ҳоланд биринчи марта дунё нашрлари сарлавҳасига 2019 йилда, 20 ёшгача бўлган футболчилар ўртасидаги жаҳон чемпионатида Ҳондурасни «қиличдан ўтказганида» тушди.

Норвегия гуруҳдаги сўнгги ўйинда 12:0 ҳисобида ғалаба қозонди, Эрлинг эса 9 та гол урди.

Қизиғи шундаки, Норвегия миллий жамоаси ўшанда гуруҳдан чиқа олмайди. Эрлинг эса барча голларини фақат битта ўйинда уриб, якунда жаҳон чемпионатиниг энг яхши тўпурари сифатида «Олтин бутса»ни қўлга киритади.


Чемпионлар лигаси рекордчиси

Норвегияда «Брюн» ва «Мольде» клубларида ажойиб таассурот қолдирганидан сўнг, Ҳоланд 2019 йил январ ойида Австриянинг «РБ Зальцбург» клубига кўчиб ўтди.

Чемпионлар Лигасидаги илк ўйинида «Генк» (4:2) дарвозасига учта тўп йўллади. Натижада ушбу мусобақадаги дебют ўйинидаёқ ҳет-трик қайд этган ўнинчи футболчи бўлди.

Ҳоланд бу билан тўхтатмади ва Чемпионлар Лигасидаги дастлабки 5 та ўйиннинг барчасида рақиблар даврозасини ишғол қилди. Бундай натижага тарихда фақат 4 футболчи эришган холос.

Уйқудаги ғалати одатлари

Ҳоланд «РБ Зальцбург» таркибида ҳет-трикларни қалаштириб ташлади. Анъанага кўра, футболчилар ҳет-трик қайд этилган ўйинлардаги тўпни эсдалик учун олиб кетишади. Эрлингда улардан анча-мунчаси тўпланиб қолган.

«Уларни ётоқхонамга қўяман, бу яхши ухлашимга сабаб бўлади», дейди Ҳоланд. «Уларга ҳар куни тикилиб ётаман. Гол уриш мароқли. «РБ Зальцбург»дан 5 та тўпим бор. Улар менинг дўстларим».

Бу Ҳоланд тан олган ягона ғалати одат эмас. 2021 йилдан бошлаб, у Чемпионлар Лигаси мадҳиясидан будильник қўнғироғи сифатида фойдаланишни бошлаган.

«Бу менинг қўнғироғим. Ҳар куни ушбу мадҳия садолари остида уйғонаман, ундан безиб кетмаганман. Шу сабабли, куним ҳар доим қувноқ бошланади».

Уни илҳомлантирган футболчи

Пеле, Марадона, Месси ёки Роналду эмас. Ёшлигида у испаниялик ҳужумчи Мигел Перес Куэста ёки «Мичу» ишқибози бўлган. Унчалик машҳур бўлмаган футболчи 2012-2015 йилларда «Суонси» таркибида 52 та ўйинда майдонга тушиб, 20 та гол урганди.
Ҳоланд АПЛда голлари ҳисобини очди: у ҳақда билиш керак бўлган ҳамма нарса - 929725019761
Дортмунддаги ақлбовар қилмас дебюти

«РБ Зальцбург» билан Европани лол қолдиргач, Ҳоланд кўплаб топ-клублар таклифини рад этиб, 2020 йил январида Дортмунднинг «Боруссия» клубига ўтди.

Бутун дунё нигоҳи унинг дебютига қаратилди, аммо соғлиғидаги муаммолар туфайли ўйинни захира ўриндиғида бошлади. «Аугсбург»га қарши ўйинда жамоасининг 1:3 ҳисобида ютқазаётганини томоша қилиб ўтирди. Сўнгра майдонга тушди. Кейин нима воқеа юз берганини эртакка ўхшатиш мумкин: 23 дақиқа ичида ҳет-трик!

Энг ноёб мукофоти

Ҳоланд 2020 йил қишда Бундеслигада дебют қилиб, январ ойида 2 та ўйинда жами 59 дақиқа ўйнади. «Аугсбург» ва «Кёльн»га қарши ўйинларда захирадан майдонга туширилди ва 5 та гол урди. Якунда «ойнинг энг яхши футболчиси» совринини қўлга киритди.
Ҳоланд АПЛда голлари ҳисобини очди: у ҳақда билиш керак бўлган ҳамма нарса - 929725020017
Унинг рақамлари ҳайратга солади

Ҳоланднинг Дортмунддаги фаолияти яшин тезлигида бошланди. Бу эса кейинги ўйинлари учун тезланишни берган бўлса ажаб эмас. У мавсумнинг биринчи ярмини 18 ўйинда урилган 16 та гол билан якунлади. Иккинчи мавсумида 27 марта, кейингисида 22 марта дарвозабонларни доғда қолдирди.

Унинг «Сити»га ўтиши тасдиқланганида, Бундеслига рекордлари сони кўп эди:

- 25 та гол маррасига энг тез етиб олган футболчи;

- 50 та гол маррасига энг тез етиб олган футболчи;

- 50 та гол урган энг яхши ёш футболчи;

- «Боруссия» таркибида Бундеслига, Чемпионлар Лигаси ва Германия Кубогидаги дебютида гол урган биринчи футболчи;

- Бир ўйинда тўртта гол урган энг ёш футболчи;

- Дастлабки икки ўйинда бешта гол урган биринчи футболчи;

- Майдонда ўтказилган дақиқалар ва голлар нисбатига кўра Бундеслига тарихидаги энг яхши футболчи.
Ҳоланд АПЛда голлари ҳисобини очди: у ҳақда билиш керак бўлган ҳамма нарса - 929725020529
#jamshid

Комментарии