Жо Коул: "ВАР футболнинг ўсишига тўсқинлик қилмоқда"

Англия терма жамоаси ва "кўклар"нинг собиқ ярим ҳимоячиси Жо Коул Англия Премьер-лигасининг 35-туридан ўрин олган “Астон Вилла” – “Челси” учрашувида ВАР тизими ишига изоҳ берди.
"Бу ақлли қоидабузарлик. Карлос Бадьяшиляни тирсаги билан туртиб юборди. Бу хафа қилади. Шу вазият ва Англия кубоги ярим финалида "Манчестер Юнайтед" ўртасидаги вазият туфайли биз икки ўйинда ажойиб натижани қўлдан бой бердик. Ўйлайманки, биз ВАР билан ўз олдимизга қўйган нарсага эришмаяпмиз. Бу тизим ўйинларнинг ҳал қилувчи дақиқаларида бизни иштиёқдан маҳрум қилади", - деди Коул Eurosport билан суҳбатда.
Жо Коул "Челси"нинг собиқ футболчиси бўлиб, жамоа учун барча мусобақаларда 281 та ўйин ўтказиб, 40 та гол урган.