Bu turnirlar chindan ham futbol uchun keraksizmi?

Yevropa ligasi
Afsonaviy klassika: o’z chempionatlarining eng yaxshi jamoalari bir turnirda yig’ilishadi va kim zo’rligini aniqlashadi. Van Damm suratga tushgan kinolardagi kabi Chempionlar ligasi ham shunday. Chempionlar ligasi turgan joyda Yevropa ligasining nima keragi bor, tushunarsiz holat. Ikkinchilar orasida kim zo’rligini aniqlashning nima keragi bor? Ayrim kuchli klublar o’z chempionatida oltinchi o’rinni egallab, o’zidan kuchsiz bo’lgan jamoalar orasida tushib qolishadi. Top klublar uchun Yevropa ligasi mashg’ulot kabi o’yinlardek o’tadi. Ikkinchi tarkib, yosh o’yichilarga imkoniyat. Kuchsiz jamoalar yutishgan taqdirda ular uchun haqiqiy bayram.
Yevropa Superkubogi
Ikki turnir g’oliblarini bir-biri bilan to’qnashtirishning nima keragi bor? Birinchi klub ikkinchisidan yaqqol ustunligini bilib turgan holda. Bu toifadagi o’yinlar hech qachon superfinal bo’la olmaydi. Superkubokni kim yutishini hamma oldindan biladi. Shuning uchun bu ham bekor o’tadigan final va turnir.
Superkubok o’yini keraksiz ekanini hatto ularning rahbariyati juda yaxshi bilishadi. Shuning uchun ham yutgan jamoa katta pul olmaydi. Yana Jahon chempionatiga baribir Chempionlar ligasi g’olibi ketadi.
Klublar o’rtasida Jahon chempionati
Bu yerda, aksincha, juda kuchli g’oya. Biroq juda ham xunuk holat. Jahon futbol klublari har xil va Yevropa klublari bilan tenglashish juda ham qiyin masala. Bu hammaga ayon. Shunday ekan, nima uchun boshqalar bundan aziyat chekishi kerak va Chempionlar ligasi g’oliblari faqat yarim final va final uchrashuvlariga ishtirok etishlari kerak ekan? Bu fikrni hatto Yekaterina II ham qo’llab-quvvatlamagan. Katta chempionatga aylanishi mumkin bo’lgan turnir oddiygina kam tomoshabinlarni o’ziga jalb qiladigan chempionatga aylanib qolgan. Jamoalar bir necha kunga Yaponiyaga yo’qolib ketishadi, xolos.
Liga kubogi
Xo’p, mayli. Chempionat bor, unda jamoalar mavsum davomida sinovlardan o’tishadi, Kubok bor, u yerda ham har zamonda ikkinchi tarkib bilan bir-birlari bilan kuch sinashadilar va yana Superkubok o’yini ham bor, u yerda ham ikki chempionlar o’zaro kuch sinashadi. Shuncha turnir bor joyda, Liga kubogining nima keragi bor? Liga kubogi ham xuddi Yevropa ligasiga o’xshaydi. Faqatgina undan ham keraksizroq. Bunday keraksiz turnir faqatgina Portugaliya, Fransiya va Angliya davlatlarida o’tkazilmoqda. O’z mashhurligini faqatgina Angliya saqlab qolyapti, chunki Angliya klublari hamma chempionatda ishtirok etishni xohlashadi. Hatto ikkinchi tarkib o’ynasa-da va final bahor faslining boshida o’tkazilsa-da.
Konfederatsiyalar kubogi
Konfederatsiyalar kubogini ham qiziqarsiz va keraksiz turnir deb hisoblayman. Bunday olib qaraganda, chempionat qiziqarlidek: qit’alar chempionlari bir-birlari bilan bahs olib borib, turnirning har bir o’yini final kabi bo’ldigandek. Aslida esa Konfederatsiyalar kubogi qiziqarsiz ekanligini 2 ta omil bilan tushuntirsa bo’ladi.
Birinchisi. Jahon chempionati bor joyda nima keragi bor yana kuchlilarni aniqlashning? Jahon chempionatining o’zida Germaniya terma jamoasi hammaga hamma narsani isbotlab berdi.
Ikkinchisi, terma jamoa musobaqalari inqirozga tushib qolgan. Klublar o’sishda davom etishmoqda, terma jamoalar esa aksincha. Mavsum o’rtasidagi o’yinlar uchun to’xtalishlar hech kimga yoqmayapti, ayniqsa, klub murabbiylariga. Yaxshisi terma jamoa o’rtasidagi turnirlar o’z statuslarini ko’tarishsin, Konfederatsiya kubogi esa tarixda qolsa hamma uchun yaxshi bo’ladi deb o’ylayman.
Manba penalti.uz