Islom To'xtaxo'jaev: "Murabbiy o'zgarmagani yaxshi bo'ldi"

O'zbekiston terma jamoasi va "Lokomotiv" klubi himoyachisi Islom To'xtaxo'jaev MY5 telekanalining "Achchiq choy" ko'rsatuvi mehmoni bo'ldi.
Futbolchi terma jamoa haqidagi savolga ham javob berdi.
"JCH-2018 saralashida oldimizda ikkita o'yin qoldi. Agar murabbiy o'zgarganida ko'p narsa o'zgarib ketardi. SHu sababli Samvel Babayanning qolgani yaxshi bo'ldi. CHunki qisqa vaqt ichida o'zgarishlarga ko'nikish juda qiyin. Janubiy Koreyaning murabbiy almashtirgani biz uchun foydali bo'ldi", - deydi Islom To'xtaxo'jaev ko'rsatuv jarayonida.
- Nima uchun Erondan oldin Tailand bilan o'rtoqlik uchrashuvi o'tkazildi?
- To'g'risi men ham bunga tushunmadim. Tailand bilan Eronni solishtirib bo'lmaydi. O'yin uslubi ham bir-biriga to'g'ri kelmaydi. Javob bera olmayman bu savolga. Savolni o'yin tashkilotchilariga bergan to'g'riroq, - deydi Islom To'xtaxo'jaev.
- Oliy liga saviyasi haqida fikringiz qanday?
- Milliy chempionat saviyasi pastroq. Talablar pastroq. 35-40 issiqda o'ynayapmiz. Bunday issiqda yuqori tezlikda o'yin bo'lmaydi. Nega bunchalik erta qo'yildi deb so'rasak yoritish tizimida muammo borligini aytishadi. Maydon holati...futbol o'ynash uchun qiyinda to'g'risi. "Lokomotiv", "Paxtakor", "Olmaliq"..."Bunyodkor" stadioni yaxshi ammo maydoni u qadar yaxshi emas. Televizorda yashil ko'rinadi, ammo maydonga tushib o'ynaganda jarohat olish xavfi yuqori", - deydi himoyachi.
Islom to'xtaxo'jaev uchun blic-savollar:
- O'zbekiston terma jamoasining eng zo'r himoyachisi?
- Anzur Ismoilov
- Eng yaxshi yarim himoyachi?
- Aziz Haydarov
- Eng yaxshi hujumchi?
- Aleksandr Geynrix
- Terma jamoaning eng yaxshi futbolchisi?
- SHaxsan men uchun Aziz Haydarov
- O'zbekiston terma jamoasi tarixidagi eng kuchli murabbiy?
- 1994 yilgi Osiyo o'yinlarida chempion qilgan murabbiy (Rustam Akramov - tahririyat).
Manba: championat.asia