Газета "Мокшень правда"
20 июн 2023

ТЯДЯНЬ КИГЕ✴✴✴✴✴

Торбеевскяй районца аш стама ломань, кона афолезе сода педагогическяй трудонь ветеранть, трудонь кельги мокшавать Р.А.Федосейкинать. А Варжеляй велеса сонь кудонц няфтьсазь ёмла шабатневок. Эряй аф ичкозе школать эзда. Кудонь кенкшенза панжадот сембонди. Сиренятне сашендыхть седикс-ваймокс корхнема, одонь кизоснон лятфнема. Сяда оттне сувсихть ширезонза лезксонкса, советонкса. Лама пялонза уленди и шабада. Синь сяда сидеста кизефнихть велеть историянц, сядонгольдень эряфонц колга, трудонь кельги ломанензон квалма. И Раиса Александровна примасыне сембонь, киньге аф обжасы.
Раиса Александровнань козя работань опытоц. Велень школати макссь 40-да лама киза. Мзярда сашендыхть ломатть Саранскяйста, Торбееваста, лия вастста, Варжеляень поселенияса покодихне васендакиге вятьсазь сонь пялонза. Раиса Александровна машты инжиень примама.
—Хуш и эрян ськамон, а кудозе най пяшксе ломаньда,—виденцясь Раиса Александровна.—Цёразе эряй Торбееваса. Тоса семьяц, кудоц, покодема вастоц, а седиец-ваймоц фалу Варжеляйть мархта.
Александр Егорович пяк кельгсы шачема-касома веленц, кудонц. Аф юкснесы тядянц.
Шачсь и кассь Р.А.Федосейкина Варжеляй велеса учителень семьяса. Тядяц, Раиса Васильевна, ульсь начальнай классонь учителькс, школати макссь 40-да лама киза. Стирнясь сидеста ванондсь тядянц мельге: кода сон аноклай урокс, кода проверсесыне шабатнень тетрадьснон. Кой-коста ашезь мадонда пялевес. А мзяра ётафтсь панжада урокта, мялень салай мероприятияда. Раиса Александровна шарьхкотькшнезе: учителень тевсь стака, но интереснай. Сяс кочказе тя профессиять сонцьке. И вестенге ашезь каенда. Вов ни мзяра киза пенсияса, а седиец сяка школать мархта. Пара мяльса лятфнесыне эсь учениконзон. 40 кизоста лама идь ётась кядялганза. Ульсть ётксост медалистт, республиканскяй олимпиадаса, кодама повсь пялькстомаса сяськихть. Сембе синь шнама ломатть.
—Минь классонк тонафнесь комозьда лама шаба,—азонды Федосейкинать ученицац О.В.Вельдина.—Колма ученикт сашендсть Сире Чётова велеста. Сембонди Раиса Александровна ульсь аф аньцек класснай руководителькс, но и омбоце тядякс. Макссь цебярь содамошит, тонафтомазь мокшень кяльть, литературать кельгома. Тянкса теенза тячемс азондан оцю спасиба.
Раиса Александровнань сембе учениконза музь вастснон эряфса. Елена Кучерова покоди УФСИН-нь системаса, Елена Тепаева—следователь-дознаватель Торбеевань внутренняй тевонь отделса, Людмила Федосейкина—юрист.
Педагогическяй трудонь ветеранць тячемс аньцек лямбе валса лятфнесыне и учитель ялганзон, конатнень мархта лама киза трудендась школаса. Тячемс покодихть школаса Нина Арсентьевна и Василий Серафимович Маскаефне, Анастасия Васильевна Федосейкина и лиятне.
Раиса Александровна пяк кельгсы сембе минценнеть. Ванфтсыне мокшень койхнень-обуцятнень, щапнень-каряпнень. Лац содазе мокшень поэтть А.С.Малькинонь. Аф ламос сон эрясь Варжеляйса. Тястонне рьвац, В.С.Цибискина. Раиса Александровна тонафнесь Варвара Сергеевнань племянниконц мархта фкя класса. Содаф поэтсь тячемс учительть мялямсонза, сидеста азонкшни колганза велень школаса тонафнихненди.
Р.А.Федосейкина вестевок ашезь вешенде эстеенза тёждя кит-ятт, ашезь панце казне мельге. Инь оцю казнесь эряфсонза—тя учениконза. Тячемс и пря шнафты мархтост, и гордость инксост маряй.
Илья СИДОРОВ.

•

Комментарии

  • 30 июн 2023 21:50
    Очень интересно ,но ничего не понятно ,особенно про учеников ,которые работают в Торбеево :Кучерова ,Тяпаева .А Раиса Васильевна,мне почему-то кажется ,это мама Бегаевой Светланы Федоровны ,которая работала учителем начальных классов,но не мама Раисы Александровны.Может конечно я что-то путаю 🤔🤔🤔
  • 7 авг 2023 09:19
    Да, Раиса Васильевна, это мама Светланы, моя учительница, а это Раиса Александровна, если вы учились в нашей школе, грех ее не знать..., она меня не учила, но всех учителей моего времени помню, всем им низкий поклон, и благлдарность
  • 7 авг 2023 23:48
    Я училась в Варжеляйской школе ,и помню всех учителей .И Раису Александровну естественно знаю и помню ,но кто писал эту статью ?Здесь все напутали с самого начало и до конца. Про её маму ,про учеников,которые якобы работают в Торбеево ,хотя они там и не работали ,а благополучно устроили свои жизни в Москве,фамилии которых упомянуты в тексте .Поэтому я и пишу ,что статья написана некорректно.Информация не верная !
  • 16 сен 2023 11:41
    ️️
  • 19 мар 12:14
    Конечно,хотелось-бы уважаемому (ой) автору пожелать,быть корректней,отсебячину не писать.
  • 19 мар 18:19
    Она нас не учила
  • 21 мар 19:02
    .а вот мама её учительницей не работала враньё!!!! Мы на одной улице почти рядом жили. И хорошо помню всех. Автор много от себятины не надо писать. Мы Варжеляйские знаем!!!!! Правильно Паша бозов написал.
  • 21 мар 20:27
    Текстонь сермады ломанти анцек ефкскат сермачнемс емла иденьди , а минь содасайнек кит нят ломатне , кода работасть и коса, тяфтама работайда Варжеляйса лама и давайте лучше о хорошем.
  • 23 мар 13:41
    Раиса Александровна здоровья вам и долгих лет жизни.️️️
  • 5 мая 18:23
    Татьяна, полностью с тобой согласна, она нас не учила, и в торбеево никак не могу работать, если я уже 20 лет живу в Москве. То, что в комитете работаю, вроде не перепутали, адрес только не тот
  • 5 мая 18:25
    Раиса Васильевна, царствие ей небесное. Это моя первая учительница и , да она мама Светланы Федоровны.