Кожны пункт прыпынку мотапрабегу, што адбыўся сёння ў Петрыкаўскім раёне, меў сваю адметнасць.

Першы з іх быў каля памятнага знака загінулым маракам і ваенным лётчыкам у час Вялікай Айчыннай вайны, дзе байкеры ўсклалі кветкі і ўшанавалі памяць воінаў той страшнай вайны хвілінай маўчання.
Другі прыпынак - у вёсцы Навасёлкі каля дома-музея Дзеда Талаша. Там гасцей пачаставалі юшкай і духмяным хлебам, пазнаёмілі з вехамі біяграфіі знакамітага земляка-партызана і прадэманстравалі, як жыў Васіль Ісакавіч.