Ураджэнка Глыбоччыны Яніна Бука (па мужу Ластоўская) хацела жыць у роднай вёсцы Мосар, працаваць на мясцовым ільнозаводзе, але лёс унёс карэктывы спачатку ў яе рабочыя, затым – у жыццёвыя планы.

Адвучыўшыся, яна трапіла ў чужую старану, да незнаёмых людзей. Знайшла там сваё каханне, нарадзіла дзяцей. Там яе сэрца кранула трывожная вестка аб аварыі на Чарнобыльскай станцыі. Атрымаўшы прадпісанне аб прымусовым адсяленні з зоны радыяцыйнага забруджвання, з цяжкімі хатулямі і такімі ж думкамі збіралася ў дарогу.