12 сакавіка 2024 года ў музеі адбылася знакавая падзея.

Напэўна, упершыню ў выставачнай зале сабралася разам такая колькасць творчых людзей! Паэты, пісьменнікі, драматургі, кампазітары, спевакі і аматары іх творчасці завіталі да нас на прэзентацыю выставы-дасье “Свет, дзе жыве паэзія”, прысвечаную дзейнасці літаратурнага аб’яднання “Далягляды”.
Сустрэча прайшла ў цёплай сяброўскай атмасферы. Госці агледзілі экспазіцыю выставы, якая стваралася, у тым ліку, і з іх удзелам, пагулялі ў адмысловую мультымедыйную гульню, дзе трэба было пазнаць знакамітага чалавека па малавядомых фактах з яго біяграфіі, прадэманстравалі прысутным свае таленты.
Скончылася мерапрыемства на святочнай ноце: прысутныя шчыра павіншавалі выдатнага паэта Алеся Міхайлавіча Жыгунова, які зусім нядаўна адзначыў 70-годдзе.