Зараз адным з надзённых клопатаў вяскоўцаў з’яўляецца сяўба шматгадовых траў.
З гэтай задачай, як паведаміла начальнік аддзела раслінаводства, жывёлагадоўлі і механізацыі упраўлення па сельскай гаспадарцы і харчаванні Любанскага райвыканкама Наталія Вярэнік, неабходна справіцца да 1 чэрвеня. А загарнуць насенне шматгодкі сёлета мяркуецца на плошчы 6 900 гектараў. З іх амаль 1 800 га – у адкрытым акцыянерным таварыстве “Імя К.І. Шаплыкі”. –Для штогадовага атрымання высокапрадуктыўных травастояў і закладкі сенажу высокай якасці, каб удосталь накарміць пагалоўе БРЖ, павысіць вытворчасць прадукцыі жывёлагадоўлі, – неабходна своечасова праводзіць залужэнне і перазалужэнне лугапашавых угоддзяў, – распавёў аграном гаспадаркі Віталь Рашчэня. – А ўлічваючы, што грамадскі статак у нас немалы, то якраз-такі даводзіцца актыўна займацца травамі. У сельгаспрадпрыемстве выкарыстоўваюцца шматкампанентныя сумесі, бабова-злакавыя і злакавыя культуры. А таксама за бюджэтныя сродкі, выдзеленыя для падтрымкі сельгасвытворцаў, набыта насенне люцэрны. Гэта каштоўная кармавая культура, якая ўтрымлівае вялікую колькасць карысных рэчываў, у тым ліку бялку, вельмі пажыўнага і неабходнага для жывёлы. Варта зазначыць, практычна на палове вызначаных участкаў шматгодка ў гаспадарцы загорнута. Акрамя таго, на 30 га закладзены насеннікі, каб атрымаць уласны матэрыял для наступнага залужэння палеткаў. Але, вядома, расслабляцца рана, варта максімальна эфектыўна займацца справай, каб паспець у спрыяльны час, да пачатку лета. І мясцовыя аграрыі з разуменнем ставяцца да гэтага, шчыруюць плённа і рупліва. З зайздросным каэфіцыентам карыснага дзеяння працуе, у прыватнасці, Іван Чайкоўскі. Вопытны трактарыст-машыніст родам з Краснай Паляны. Як кажуць, тут нарадзіўся, тут і прыгадзіўся. З 1982 года заняты ў сельскай гаспадарцы. За мінулы перыяд асвоіў, бадай, усе тэхналагічныя аперацыі, ведае, так бы мовіць, як дагадзіць зямлі, каб падзячыла ўраджаем. Апошнім часам механізатар вызначыўся добрасумленнымі адносінамі на падсеве траў. На МТЗ-1221 у счэпе з сеялкай СПУ-6 Іван Чайкоўскі акуратна загортвае насенне, мае нядрэнную штодзённую выпрацоўку: у сярэднім 30-35 гектараў.
Праца на зямлі ў ахвоту для вяскоўца Івана Чайкоўскага.
Голас Любаншчыны
:Редакция газеты
Зараз адным з надзённых клопатаў вяскоўцаў з’яўляецца сяўба шматгадовых траў.
З гэтай задачай, як паведаміла начальнік аддзела раслінаводства, жывёлагадоўлі і механізацыі упраўлення па сельскай гаспадарцы і харчаванні Любанскага райвыканкама Наталія Вярэнік, неабходна справіцца да 1 чэрвеня.
А загарнуць насенне шматгодкі сёлета мяркуецца на плошчы 6 900 гектараў. З іх амаль 1 800 га – у адкрытым акцыянерным таварыстве “Імя К.І. Шаплыкі”.
–Для штогадовага атрымання высокапрадуктыўных травастояў і закладкі сенажу высокай якасці, каб удосталь накарміць пагалоўе БРЖ, павысіць вытворчасць прадукцыі жывёлагадоўлі, – неабходна своечасова праводзіць залужэнне і перазалужэнне лугапашавых угоддзяў, – распавёў аграном гаспадаркі Віталь Рашчэня. – А ўлічваючы, што грамадскі статак у нас немалы, то якраз-такі даводзіцца актыўна займацца травамі.
У сельгаспрадпрыемстве выкарыстоўваюцца шматкампанентныя сумесі, бабова-злакавыя і злакавыя культуры. А таксама за бюджэтныя сродкі, выдзеленыя для падтрымкі сельгасвытворцаў, набыта насенне люцэрны. Гэта каштоўная кармавая культура, якая ўтрымлівае вялікую колькасць карысных рэчываў, у тым ліку бялку, вельмі пажыўнага і неабходнага для жывёлы.
Варта зазначыць, практычна на палове вызначаных участкаў шматгодка ў гаспадарцы загорнута. Акрамя таго, на 30 га закладзены насеннікі, каб атрымаць уласны матэрыял для наступнага залужэння палеткаў. Але, вядома, расслабляцца рана, варта максімальна эфектыўна займацца справай, каб паспець у спрыяльны час, да пачатку лета.
І мясцовыя аграрыі з разуменнем ставяцца да гэтага, шчыруюць плённа і рупліва. З зайздросным каэфіцыентам карыснага дзеяння працуе, у прыватнасці, Іван Чайкоўскі. Вопытны трактарыст-машыніст родам з Краснай Паляны. Як кажуць, тут нарадзіўся, тут і прыгадзіўся. З 1982 года заняты ў сельскай гаспадарцы. За мінулы перыяд асвоіў, бадай, усе тэхналагічныя аперацыі, ведае, так бы мовіць, як дагадзіць зямлі, каб падзячыла ўраджаем. Апошнім часам механізатар вызначыўся добрасумленнымі адносінамі на падсеве траў. На МТЗ-1221 у счэпе з сеялкай СПУ-6 Іван Чайкоўскі акуратна загортвае насенне, мае нядрэнную штодзённую выпрацоўку: у сярэднім 30-35 гектараў.