Не так даўно мабільны аператар А1 аб’явіў пра запуск уласнага сэрвіса таксі.

Ужо вядома, што на пачатковым этапе будуць дзейнічаць пяць тарыфаў: «Эканом», «Стандарт А1», «Камфорт», «Камфорт А1», «Бізнес. Таксама будзе асобны заказ «Аэрапорт».
У «Эканоме» падача аўто каштуе 3 рублі. Калі адмяніць таксі ў час бясплатнага чакання пасажыра, прыйдзецца аплаціць падачу. 1 кіламетр паездкі будзе каштаваць 60 капеек.
У іншых тарыфах кошты могуць быць даражэйшымі ў час пік і святочныя дні.
Таксама можна будзе папярэдне замовіць таксі. Такая паслуга даступна для тарыфа «Стандарт А1» (бясплатна), «Камфорт А1» (10 рублёў) і «Бізнес» (15 рублёў).
Што да паездкі ў аэрапорт, то самая танная абыдзецца ў 90 рублёў, калі адлегласць не перавышае 60 км. За кожны дадатковы кіламетр давядзецца даплаціць 1,2 рубля.
У кампаніі А1 арыентуюцца на дату запуску праекту 1 мая.
Крыніца: https://a1taxi.by/tariff