Даныя аб гендэрным разрыве ў сярэднягадзіннай заработнай плаце ў Беларусі за кастрычнік 2024 апублікаваў Белстат.

Розніцу аплаты працы ацэньвалі па двух напрамках: нескарэктаваны і скарэктаваны гендэрны разрыў. Першы разлічваецца па ўсіх працаўніках без уліку іх індывідуальных характарыстык. Другі ўлічвае ўзровень адукацыі, сферы дзейнасці, стаж і іншыя фактары.
Нескарэктаваны гендэрны разрыў паказаў 26,8% на карысць мужчын. У 2021 годзе гэты паказчык складаў 24,3%.
Скарэктаваны паказчык выявіў розніцу ў 6% на карысць мужчын. У 2021-м ён быў на ўзроўні 5,8%.
Розніцу ў зарплате паміж мужчынамі і жанчынамі ў Беларусі тлумачаць тым, што традыцыйна жанчыны працуюць у больш бюджэтнай сферы, а мужчыны – на так званых «шкодных працах».
Асноўнымі сферамі занятасці для жанчын у Беларусі з'яўляюцца:
🔹 ахова здароўя і сацыяльныя паслугі (84% жанчын);
🔹 адукацыя (83,7%);
🔹 фінансавая і страхавая дзейнасць (77,3%).
Найменшая доля жанчын занятая ў горназдабыўной прамысловасці (19,8%) і будаўніцтве (14,1%).
Крыніца: https://www.belstat.gov.by/upload-belstat/upload-belstat-pdf/oficial_statistika/2025/info-gen-zp.pdf