Apple змяняе графік выпуску смартфонаў.

Новы iPhone 18 будзе выходзіць часткамі
Пра гэта піша The Information са спасылкай на інсайдэраў.
Новыя флагманскія iPhone 18 Pro і Pro Max збіраюцца прадставіць увосень 2026 года, а базавы iPhone 18 і бюджэтны iPhone 18e з'явяцца толькі ўвесну 2027-га. Такое адбываецца ўпершыню.
Па гэтай маркетынгавай стратэгіі атрымліваецца, што спачатку кампанія плануе прадаваць даражэйшыя мадэлі, на якіх зарабляе асноўны прыбытак. А больш даступныя варыянты прыйдзецца пачакаць даўжэй.
Акрамя гэтага з’явілася інфармацыя пра першы ў гісторыі брэнда смартфон з гнуткім экранам – iPhone 18 Air. Эксперыментальную навінку плануюць прэзентаваць увосень 2026 года.
Што да iPhone 17, выпуск якога запланаваны на 2025 год, усе мадэлі гэтай лінейкі, як і раней, прадставяць адначасова.
Крыніца: https://www.theinformation.com/articles/apple-plans-iphone-release-schedule-shakeup-new-styles