Без жывёл, самакатаў і масак.

Міліцыя расказала, каго не пусцяць на парад 9 мая
Пра правілы наведвання масавых мерапрыемстваў нагадаў начальнік галоўнага ўпраўлення аховы правапарадку і прафілактыкі міліцыі Аляксандр Купчэня.
Для ўваходу ў зоны святкавання Дня Перамогі арганізуюць кантрольна-прапускныя пункты. Пры гэтым для ветэранаў, інвалідаў і сем'яў з маленькімі дзецьмі будуць працаваць асобныя КПП з аранжавымі купаламі.
На парад не пусцяць з:
🔹 любой зброяй, выбуховымі рэчывамі, піратэхнікай, у тым ліку муляжамі зброі і прадметамі, якія можна выкарыстаць у якасці зброі;
🔹 атрутнымі, таксічнымі, з'едлівымі, лёгкімі на ўзгаранне рэчывамі;
🔹 алкаголем і слабаалкагольнымі напоямі;
🔹 любымі элементамі прапаганды вайны і экстрэмісцкага характару, а таксама незарэгістраванымі сцягамі і вымпеламі.
Не атрымаецца праехаць праз КПП на ровары, самакаце ці прайсці з хатнімі жывёламі.
Таксама на святкаванне не змогуць трапіць людзі ў стане ап'янення і тыя, хто захоча схаваць твар маскамі ці іншымі сродкамі.
Крыніца: https://www.youtube.com/live/hqX1eo23cw0?feature=shared