У Парычах прадаюць сімпатычны гістарычны будынак XIX стагоддзя каля пляжа

У канцы XIX стагоддзя мястэчка Парычы было вядомае як буйны гандлёвы цэнтр. Праз яго праходзіў паштовы тракт з Мінска і Бабруйска ў Гомель і Чарнігаў. Таксама тут месцілася найбуйнейшая ва ўсім павеце прыстань.
З таго часу ў Парычах захаваўся заезны двор канца XIX пачатку XX стагоддзя – месца, дзе можна было пад’есці, заночыць і пакінуць коней і фурманкі.
У апошнія гады ў будынку плошчай у 289 квадратных метраў размяшчаўся камбінат камунальна-бытавога абслугоўвання. Цяпер ён не выкарыстоўваецца і знаходзіцца на балансе аддзела культуры Светлагорскага райвыканкама.
Таргі прызначаны на 3 чэрвеня, яны пройдуць на электроннай пляцоўцы Беларускай універсальнай гандлёвай біржы. Пачатковы кошт складае 41,6 тысячы рублёў (каля 14 тысяч долараў).
У дадатак да будынка новы ўласнік атрымае зямельны ўчастак плошчай 19 сотак. Яго дадуць у арэнду на 25 гадоў.
Старажытны дом можна выкарыстоўваць як гатэль, кафэ, гандлёвы цэнтр ці музей.
Крыніца: https://et.butb.by/et/lotcard.xhtml?lotid=22347&prevPage=auctions