Палата прадстаўнікоў Нацыянальнага сходу Беларусі ў другім чытанні прыняла законапраект «Аб змяненні законаў па пытаннях дзяржаўнага сацыяльнага страхавання і пенсіённага забеспячэння».

Дакумент уносіць змены ў сем заканадаўчых актаў дзеля ўдасканалення сістэмы пенсіённых адлічэнняў.
Самыя важныя змены звязаныя з увядзеннем права для плацельшчыкаў падатку на прафесійны даход добраахвотна ўносіць узносы ў пенсіённы фонд.
Для індывідуальных прадпрымальнікаў змяняецца парадак выплаты адлічэнняў. Калі іх гадавы даход складае да дванаццаці мінімальных зарплат, то ўзносы будуць разлічвацца з фактычнага даходу (35%), а не з фіксаванай сумы, як цяпер.
Для ІП, якія плацяць адзіны падатак, узносы выплачваюцца не менш як 35% з мінімальнай заработнай платы за месяцы выплаты адзінага падатку.
Асаблівы парадак выплатаў адлічэнняў у ФСАН пачне дзейнічаць пры «шэрых» схемах выплаты заработнай платы. Цяпер працадаўцы будуць разлічваць узносы з фактычных выплат, але не ніжэй за вызначаны мінімум – 1/30 пяціразовай велічыні сярэдняй заработнай платы ў рэспубліцы за месяц, які папярэднічае месяцу ўстанаўлення дадзенага факту, за кожны дзень выканання работ.
Акрамя гэтага, тэрмін выплаты пенсіённых узносаў перанеслі з 1 на 31 сакавіка наступнага года.
Крыніца: https://t.me/housegovby/30330