Кампанія Трампа анансавала выпуск уласнага смартфона, які пераплюне iPhone

Як паведамляе The Wall Street Journal, кампанія The Trump Organization, якая кантралюецца сям'ёй прэзідэнта ЗША, абвясціла аб стварэнні «дачкі» TrumpMobile. Ужо ў жніўні яна плануе выпусціць уласны смартфон T1.
Па заявах распрацоўнікаў, прылада будзе працаваць на базе Android. Агучаныя характарыстыкі уражваюць: 6,8-цалевы AMOLED-экран з 16-мегапіксельнай сэлфі-камерай і 50-мегапіксельнай асноўнай, а таксама 12 гігабайт аператыўнай памяці і 256 гігабайт – убудаванай.
У афіцыйнай заяве паведамляецца, што вытворчасць плануюцца ў Алабаме, Каліфорніі і Фларыдзе. Прыкладны кошт складзе 499 долараў.
Эксперты засумняваліся і ў цалкам амерыканскай зборцы, і ў тэрмінах выпуску, і ў фінальным кошце смартфона. Па даных выдання, для стварэння паўнавартасных вытворчых магутнасцяў у ЗША трэба гады і дзясяткі мільярдаў долараў інвестыцый. Хутчэй за ўсё прыладу будуць выпускаць у Кітаі, а яе кошт перасягне тысячу долараў.
Фота: petapixel. com
Крыніца: https://www.wsj.com/tech/trump-t1-phone-components-features-2415c7cd?mod=hp_lead_pos9