У Беларусі з’явіўся 3D-прынтар для друку бетонам

Пробу пера можна ўбачыць на фота.
Навінку запусцілі на Беларускім цэментным заводзе. 12 жніўня інавацыйнае абсталяванне і ўзоры вырабаў прадэманстравалі міністру архітэктуры і будаўніцтва Аляксандру Студневу.
Першы ў Беларусі будаўнічы 3D-прынтар здольны ствараць бетонныя канструкцыі ўражлівых памераў – 15 метраў у даўжыню, 6 метраў у шырыню і 4 метры ў вышыню.
Першыя вырабы, зробленыя на заводзе, друкавалі на аснове найлепшых эскізаў маладых студэнтаў-дызайнераў Беларускай акадэміі мастацтваў.
Міністр паставіў заводу задачу пашырыць сферу прымянення новага абсталявання і выкарыстанне ўласных інавацыйных сумесяў. А галіновым інстытутам даручана распрацаваць нарматыўную базу для вырабаў, створаных з дапамогай 3D-друку.
Крыніца: https://t.me/bel_cement/3038 Фота: Беларуская цэментная кампанія