19 жніўня ў гомельскім кінатэатры пройдзе бясплатная фатасэсія з прафесійнымі фатографамі

Арганізатары абяцаюць антуражныя здымкі з музейнымі экспанатамі.
Незвычайную імпрэзу ладзяць у кінатэатры імя Калініна з нагоды Сусветнага дня фатаграфіі.
У аўторак прафесійныя фатографы Гомеля будуць фатаграфаваць наведвальнікаў кінатэатра з 14:00 да 21:00 у фае, кіназале, у спецыяльных фотазонах, крэслах, канапах, з кінааксесуарамі ці без іх. Да слова, рэквізіт дасць Музей гісторыі друку і фатаграфіі.
Акрамя фатасэсіі, у гэты дзень плануецца інтэрактыў са смачнымі прызамі ад гомельскай фабрыкі марожанага і гомельскага вытворцы чыпсаў.
#афиша_СН
Крыніца: https://newsgomel.by/news/society/v-gomele-priglashayut-na-vsemirnyy-den-fotografii-uznali-podrobnosti_198337.html