ԵՐԲ ՀԻՍՈՒՍՆ ԻՐԵՆ ՇՐՋԱՊԱՏԱԾ ԱՄԲՈԽԻ ՄԻՋՈՎ ՀԱԶԻՎ ԱՌԱՋ ԷՐ ՇԱՐԺՎՈՒՄ, ԿԱՆԳ ԱՌԱՎ ԵՎ ՀԱՐՑՐԵՑ, «Ո՞Վ ԻՆՁ ԴԻՊԱՎ»:

Կարծես Նրա աշակերտների համար ամեն ինչ ակնհայտ էր,ուստի նրանք պատասխանեցին, թե դա Նրան ճնշող ամբոխն էր: Սակայն Հիսուսը պնդեց.«Ինչ-որ մեկը դիպավ ինձ»: Նա գիտեր, որ մեկը հատուկ դիպել է Իրեն, քանի որ այդ պահին Նրանից աստվածային զորություն էր դուրս եկել:
Ամբոխից մի կին դուրս եկավ և խոստովանեց, որ ինքն է կանխամտածված կերպով դիպել Նրան, և իր հետ մի հրաշալի բան է տեղի ունեցել:
Նա տասներկու երկար ու ձիք տարիներ տառապել էր անբուժելի այրունահոսությունից` տարեց-տարի ավելի շատ արյուն կորցնելով: Շատ բժիշկների էր դիմել և ծախսել իր ողջ ունեցվածքը, բայց ոչինչ չէր օգնել. նա գիտեր, որ մեռնում էր: Հետո լսել էր Հիսուսի մասին: Հուսակտուր կերպով ամբոխի միջով ճամփա բացելով` նա այնքան մոտեցավ, որ կարող էր դիպչել Նրան` հավատալով, որ, եթե անգամ Տեր Հիսուսի հագուստին դիպչի, կբուժվի: Եվ հենց դիպավ, արյան հոսքը դադարեց. Տեր Հիսուսի աստվածային զորությունը փոխանցվել էր նրա մեջ: Հիսուսը սիրալիր ասաց նրան. «Դո՛ւստր, քո հավատքը բուժեց քեզ: Գնա՛ խաղաղությամբ և ապաքինվի՛ր քո տառապանքից»:
Այս կինը մեր բոլորի նկարն է, ինչը ցույց է տալիս, որ մենք նույնպես հիվանդությամբ ենք տառապում, որի արդյունքը ի վերջո կլինի մահը` մեղքի ներքին հիվանդությունը: Որքա՜ն տառապանք ու վնաս է մեզ հասցրել այս հիվանդությունը: Ինչքան էլ փորձենք, չենք կարող ազատվել դրանից: Ոչինչ չի կարող առողջացնել մեզ. ոչ մի բարոյական փիլիսոփայություն, օգտակար ծրագիր կամ բարի գործ: Օգնություն ստանալու փոխարեն` մեր փխրուն և սահմանափակ կյանքը դուրս է հոսում: Մի օր այն լիովին կսպառվի: Մեզ անհրաժեշտ է Տեր Հիսուսի բուժումը և Նրա` մեզ փրկող կյանքը:
Հիսուսը Ինքն Աստված է, ով հասանելի և նույնիսկ շոշափելի մարդ դարձավ, որպեսզի լինի մեր փրկիչը: Նա ոչ միայն մոտեցավ մեզ, այլև, անմեղ մարդ լինելով, մեր մեղքերի համար մեռավ խաչի վրա: Աստվածաշունչը մեզ ասում է, որ Նա «Ինքը մեր մեղքերն Իր մարմնում խաչափայտի վրա բարձրացրեց, որպեսզի մենք, մեղքերի համար մեռնելով, արդարության համար ապրենք. ում վերքերով բժշկվեցիք» (Ա Պտ 2:4): Նրա փրկագնող մահը մեզ բուժում է մեր տառապանքից: Եվ ավելին. Նա հարություն առավ: Այսօր Տեր Հիսուսը սպասում է, որ մենք դիպչենք Իրեն և ստանանք Իր փրկագնումն ու անսահման, մահվան հաղթող կյանքը:
Հիսուսի մասին սոսկ լսած լինելով կամ ամբոխի մեջ Նրա շուրջը գտնվելով` մենք չենք փրկվի: Եթե հավատքով գանք Նրա մոտ և դիպչենք Նրան` հավատալով այն ամենին, ինչ Նա արել է մեզ համար, ապա Նա կբուժի մեզ և Իր հավիտենական կյանքը կփոխանցի մեր մեջ: Մենք խաղաղություն կունենանք: Դուք հենց հիմա կարող եք հավատքով դիպչել Նրան` պարզապես այս պարզ աղոթքն անելով.
«Տեր Հիսուս, ես Քո կարիքն ունեմ: Ես մեղավոր եմ: Հավատում եմ այն ամենին, ինչ որ Դու արել ես խաչի վրա ինձ համար: Շնորհակալ եմ, որ մեռար ինձ համար, որպեսզի ես կարողանամ բուժվել: Փրկիր ինձ հիմա: Ես ընդունում եմ Քեզ որպես իմ Փրկչի և իմ Կյանքի: Խնդրում եմ` Քո հավիտենական Կյանքը Փոխանցիր իմ մեջ: Տեր Հիսուս` ես սիրում եմ Քեզ: ԱՄԵՆ»:
Վիթնես Լի
E-mail: gospelforkingdom@gmail.com Վահե (+374) 77165585
Գերասիմ (+374) 93853690
Ռիտա (+374) 77627497