Марина Слугина - саезь ВКонтактсо авторонть лопасто

Фольклоронь лувсо сëрмадозь кельтнеде лайшема
Вай, косот, косот,
Эрзянь аватне?
Вай, кува сралесть
Мокшонь алятне?
А марят перькат
Эрзянь, мокшонь вал,
Ансяк рузонсесь
А лоткави свал.
Кува злыдарьдить
Эрзякс кортыцят?
Кува азгундить
Мокшокс лавгицят?
Сувтнезь почтокс тусть
Рузтнэнь юткова
Мокшонь ломантне,
Эрзянь буетне.
Вай, рузыямост
Ки лоткавтсынзе?
Допрок ëмамост
Ки потавтсынзе?
Арасть пшкадицят
Тиринь келень кис,
Арасть тардицят
Эрзянь валонь кис!
Вай, прок веть сулей,
Минь ëматано,
Ловокс чить маней
Минь солатано.
Козонь правтынек
Мазый валонок,
Кинень максынек
Кшинек-салонок?
Арази сэрдят,
Ды атят-бабат
Тоначив саизь,
Эсь мартост калмизь
Мазый келенек,
Тиринь валонок?
Сюпавчинь таркас
Кирдить ней сонзэ,
Пазонть икеле
Кортыть эйсэнзэ...