– 21 ======================== Кой чилянник умирать, та майнапослїдок му удбирать річ – бисїду. Кой хотять убити народ, та майперво, и – майпослїдньо ! – убивавуть му річ – бисїду. А я хочу вбы мuй русинськый народ жив и процвітав ! И – у нашuв ороньовuв бисїдї ! Иппен затото туйкы: ЧИТАЄМЕ ПО РУСИНСЬКЫ ! = = = СПÜВАНКА ЗА УЛІЦЇ = = = Тко вдмыє нас уд сього лепу, Уд сього гною и гüна, Кой я из уліцї Мазепы Трафляву в улицю Махна?! = = = Лем фаранный – вже й ни сердитый! – Страшноє слово в ротї жву, Кой здохлі вкрайинські бандіты В краю русинському живуть. = = = Тых, тко в гузицю Кыйов лиже, Уже ни звідаву нияк, Де Довбуш?! Де Шугай и иже?! Де суть Духнович и Митрак!? = = = Де наша совість?! Де є гордüсть?! Де наш страшный русинськый ід?! Тко нашым внукам, дїтьом вповість, Ош мы – русинськй славный рüд?! = = = Ниє – гибы го йзїли гниды… Ниє – гибы го згрыз росüл… Крüзь сüль гüрку ми очи видять: Махно, Бандера. Чорновüл… = = = СПÜВАНКА ЗА СЯТІ СЛОВА = = = Я ни любив траву косити – Й росла никошена трава. Я знав єдно в житю: любити Мого села сяті слова. = = = Трава взимі росла спуд снїгу На Рüк Новый, на Рождество. Слова росли з плачу и сміху, Й тайили в собі Божество. = = = В селї старі хыжі вмирали, А тинитüв губив хресты. Лише слова прості держали В житя минавшоє мосты. = = = Тко з нас памнятать Няня, Дїда – Якый быв файный, молодый! Ни горазды – лем смертні біды Лишали в памняти слїды. = = = И най я знаву, ош вмру дниськы, Та я ни вмру усьый навік: Сяті слова – слова русинські Несуть мüй дух, таять мüй лик! = = = СПÜВАНКА ЗА РУСИНСЬКІ СПÜВАНКЫ = = = Дны идуть. Рокы минавуть. Стародавні спüванкы Серце з пропасти уймавуть И возносять на вершкы Гüр, де жура материнська И лиґінїня вüтця Мавуть силу верховинську И нивидко йим кüнця. = = = СПÜВАНКА БЕЗ СЛÜВ = = = Сонце ся хмарами крыло. Хмары крываві плыли. Вшытко сисе уже было. Лем ни тямлю коли. = = = Жоны си просять сїді Смерти!.. А смирть ни йде… Вшытко м сисе уже відїв. Лем ни тямлю, ош де. = = = Нüч уд страху всинїла. Вд голоду динь вжовтїв. Вшытко йсе чув тїлом. Туй и типир. Без слüв. = = = СПÜВАНКА ЗА НИВДАЛОЄ ЖИТЯ = = = Серенчливый им быв на питя – Лем на пянку менї й велoся. Й кой ня звідавуть: “Як житя?!” – Кажу: “Дякуву – ни вдалося!”. = = = Здрю в минулоє – што там было: Лем кімлованя, кров з слызами… Чорного янґела злоє крыло Суветов днишньов махнуло над нами. = = = Синьов сливянков дымлять погары – Пю за здоровых, хоть сам им – болящый! – Гий, кыбы знали вы, цїмборы, Студїнь и мрак днüв приходящых!.. = = = Много чого в нас? – Єдны гріхы! – Денноє світло уд них чорнїє. Каждый до горя чужого глухый, Ай и собі ни зарадить – ни вміє. = = = Льüд ся розтопить – учинить ся ярь. Айбо и з ниї ми радости мало: Кровльов забрызкало вшытку ми тварь, Як лем ся серце ми розüрвало. = = = З бідами днишньыма ни до питя, Та и на пянку ми вже ни ведеся. И кой ня звідавуть: “Як житя?! – Кажу: “Дякуву – ни вдаєся!” = = = ПОПОЗИРАЙТЕ, будьте добрі, МUЙ САЙТ: petrovtsiy.jimdo.com Рубрика: СТИХЫ Книга: БИТАНГUСЬКІ СПUВАНКЫ
Ільничани
:Иван Петровций
ЧИТАЄМЕ ПО РУСИНСЬКЫ !
– 21
========================
Кой чилянник умирать,
та майнапослїдок му удбирать річ – бисїду.
Кой хотять убити народ,
та майперво, и – майпослїдньо ! –
убивавуть му річ – бисїду.
А я хочу вбы мuй русинськый народ
жив и процвітав !
И – у нашuв ороньовuв бисїдї !
Иппен затото туйкы:
ЧИТАЄМЕ ПО РУСИНСЬКЫ !
= = =
СПÜВАНКА ЗА УЛІЦЇ
= = =
Тко вдмыє нас уд сього лепу,
Уд сього гною и гüна,
Кой я из уліцї Мазепы
Трафляву в улицю Махна?!
= = =
Лем фаранный – вже й ни сердитый! –
Страшноє слово в ротї жву,
Кой здохлі вкрайинські бандіты
В краю русинському живуть.
= = =
Тых, тко в гузицю Кыйов лиже,
Уже ни звідаву нияк,
Де Довбуш?! Де Шугай и иже?!
Де суть Духнович и Митрак!?
= = =
Де наша совість?! Де є гордüсть?!
Де наш страшный русинськый ід?!
Тко нашым внукам, дїтьом вповість,
Ош мы – русинськй славный рüд?!
= = =
Ниє – гибы го йзїли гниды…
Ниє – гибы го згрыз росüл…
Крüзь сüль гüрку ми очи видять:
Махно, Бандера. Чорновüл…
= = =
СПÜВАНКА ЗА СЯТІ СЛОВА
= = =
Я ни любив траву косити –
Й росла никошена трава.
Я знав єдно в житю: любити
Мого села сяті слова.
= = =
Трава взимі росла спуд снїгу
На Рüк Новый, на Рождество.
Слова росли з плачу и сміху,
Й тайили в собі Божество.
= = =
В селї старі хыжі вмирали,
А тинитüв губив хресты.
Лише слова прості держали
В житя минавшоє мосты.
= = =
Тко з нас памнятать Няня, Дїда –
Якый быв файный, молодый!
Ни горазды – лем смертні біды
Лишали в памняти слїды.
= = =
И най я знаву, ош вмру дниськы,
Та я ни вмру усьый навік:
Сяті слова – слова русинські
Несуть мüй дух, таять мüй лик!
= = =
СПÜВАНКА ЗА РУСИНСЬКІ СПÜВАНКЫ
= = =
Дны идуть. Рокы минавуть.
Стародавні спüванкы
Серце з пропасти уймавуть
И возносять на вершкы
Гüр, де жура материнська
И лиґінїня вüтця
Мавуть силу верховинську
И нивидко йим кüнця.
= = =
СПÜВАНКА БЕЗ СЛÜВ
= = =
Сонце ся хмарами крыло.
Хмары крываві плыли.
Вшытко сисе уже было.
Лем ни тямлю коли.
= = =
Жоны си просять сїді
Смерти!.. А смирть ни йде…
Вшытко м сисе уже відїв.
Лем ни тямлю, ош де.
= = =
Нüч уд страху всинїла.
Вд голоду динь вжовтїв.
Вшытко йсе чув тїлом.
Туй и типир. Без слüв.
= = =
СПÜВАНКА ЗА НИВДАЛОЄ ЖИТЯ
= = =
Серенчливый им быв на питя –
Лем на пянку менї й велoся.
Й кой ня звідавуть: “Як житя?!” –
Кажу: “Дякуву – ни вдалося!”.
= = =
Здрю в минулоє – што там было:
Лем кімлованя, кров з слызами…
Чорного янґела злоє крыло
Суветов днишньов махнуло над нами.
= = =
Синьов сливянков дымлять погары –
Пю за здоровых, хоть сам им – болящый! –
Гий, кыбы знали вы, цїмборы,
Студїнь и мрак днüв приходящых!..
= = =
Много чого в нас? – Єдны гріхы! –
Денноє світло уд них чорнїє.
Каждый до горя чужого глухый,
Ай и собі ни зарадить – ни вміє.
= = =
Льüд ся розтопить – учинить ся ярь.
Айбо и з ниї ми радости мало:
Кровльов забрызкало вшытку ми тварь,
Як лем ся серце ми розüрвало.
= = =
З бідами днишньыма ни до питя,
Та и на пянку ми вже ни ведеся.
И кой ня звідавуть: “Як житя?! –
Кажу: “Дякуву – ни вдаєся!”
= = =
ПОПОЗИРАЙТЕ,
будьте добрі,
МUЙ САЙТ: petrovtsiy.jimdo.com Рубрика: СТИХЫ
Книга: БИТАНГUСЬКІ СПUВАНКЫ