"თეთრი დათვი"

"თეთრი დათუნია"
ინგრედიენტები:
კვერცხი 8 ცალი
შაქარი 5 ჭიქა
კარაქი 350 გრ
ვანილი 1 შეკვრა
სოდა ძმრით 1 ჩკ+1 ჩკ
ფქვილი 3,5 - 4 ჭიქა
ქიშმიში 1 ჭიქა
თხილი ან ნიგოზი (მოხალული) 1 ჭიქა
კრემი (შეგიძლიათ გაანახევროთ მასალა)
კარაქი 500 გრ
შესქელებული რძე 2 ქილა
ვანილი 1 შეკვრა
კონიაკი 2 სკ
1. 8 ცალი კვერცხის გული, 2 ჭიქა შაქარი და 350 გრ კარაქი კარგად ამოვიყვანოთ, ჩავამატოთ 1 ჩკ სოდა ძმრით, ვანილი და 3,5 - 4 ჭიქა ფქვილი. უნდა მივიღოთ რბილი ცომი. ცომი გავყოთ 3 ნაწილად და გავაბრტყელოთ ცხიმწასმულ ქაღალდებზე.
2. 8 ცალი კვერცხის ცილა ავთქვიფოთ ძალიან კარგად, ღრუბელივით რომ გახდება ნელ-ნელა ჩავაყაროთ 3 ჭიქა შაქარი. ბოლოს ჩავაყაროთ მოხალული, დაჭრილი თხილი, ქიშმიში და ვანილი. გავყოთ 3 ნაწილად და წავუსვათ გაბრტყელებული ცომის ფირფიტებს. გამოვაცხოთ 150 გრადუსზე გახურებულ ღუმელში.
3. კრემი: 500 გრ კარაქი ავთქვიფოთ მიქსერით, ნელ-ნელა შევურიოთ 2 ქილა შესქელებული რძე, 2 სკ კონიაკი და ვანილი.
4. მომზადება: გავყოთ კრემი ორ ნაწილად, წავუსვათ პირველ და მეორე ფენას, ხოლო ბოლო ფენას მოვაწუწოთ მინანქარი და მოვაყაროთ დაჭრილი თხილი და ქიშმიში.( ჩემ შვილებს ქიშმიში არ უყვართ და ამიტომ მე არ ვუკეთებ).....