Сени унутаман» ичдим қасамлар,

Суратинг оловга бўлдим отмоқчи.
Унутганим сайин сени сўроқлар,
Юрагим ўзингдек маккор,алдоқчи.
Сени унутаман!Ичдим қасамлар,
Сенсиз яшагандим яшайман яна.
Ўз кўнглим ўзимдан тониб аразлар,
Кўнглимда соғинчинг қилар тантана.
Сени унутаман!Ичдим қасамлар,
Ҳатто бир сўз демай тарк этаман жим.
Ким эдинг?Нахотки бўлсанг жодугар,
Нега сени сўраб йиғлайди кўнглим?
Сени унутаман ичдим қасам.Бас!
Йўлларим туташмас энди йўлингга.
Мен осон кечиб,сендан кечолмас,
Кўнглимни тутқазиб кетгум қўлинга.