Бир сменада 15 миллион сўмдан иш ҳақи

Тошкент шаҳар ҳокимлиги томонидан янги қувватни ишга тушириш учун тиббиёт ходимлари ишга жалб қилинади.

Пойтахтимиздаги «Ўзекспомарказ»да коронавирус хасталигига гумон қилинаётган беморларни текширув ва таҳлилдан ўтказиш учун махсус 500 ўринли Тақсимлаш маркази ташкил этилди.
Иш 15 кунлик навбатчилик тартибида ташкил қилинади ҳамда ходимларга қуйидаги умумий ҳисобдан:
- врачларга 15 000 000 сўм;
- ҳамшираларга 10 000 000 сўм;
- кичик тиббиёт ходимларига 5 000 000 сўм;
- кўнгиллиларга 5 000 000 сўм
кунлик тартибда иш ҳақи тўланади.
Иш вақти 12 соатдан иборат бўлиб, 8 соат иш, 4 соат дам олиш вақти кўзда тутилган.
Тиббиёт ходимлари тиббий ҳимоя воситалари билан таъминланади. Ходимларга ётоқхона ва овқатланиш тўлиқ ташкил қилингани ҳолда, маошлари ҳар куни тўлаб борилади.