ՏԱՔՍԻ ՎԱՐՈՐԴԻ ԱՊԱՇԽԱՐՈՒԹՅՈՒՆԸ

Գիշերվա ուշ ժամին մի տաքսու վարորդ, մեքենայի մեջ գլուխը ղեկին հենած, կարծես մի պահ ննջում է: Այդ ժամանակ նա լսում է մի ձայն, որը մի հասցե է թելադրում և ասում, որ գնա այդ հասցեով: Արթնանալով` վարորդը ոչինչ չի հասկանում և, ուշադրություն չդարձնելով կատարվածին, որոշ ժամանակ անց նորից ննջում է: Քնի մեջ նա դարձյալ լսում է նույն ձայնը և նույն խոսքերը։ Այդպես կրկնվում է երեք անգամ: Վերջնականապես սթափվելով կիսաթմբիր վիճակից` վարորդը, հետաքրքրությունից դրդված, որոշում է գնալ նշված հասցեով։
Մեքենան վարելով` նա հեռանում է քաղաքից և, փնտրելով նշված հասցեն, հայտնվում է քաղաքից հեռու մի տարածության մեջ, որտեղից բավականին հեռու բնակավայրի աղոտ
լույսեր են երևում: Չհասկանալով, թե ինչի համար է եկել, վարորդը ցանկանում է շրջել մեքենան և հեռանալ այդտեղից, երբ հեռվում նկատում է մի մարդու, որ վազում էր է այդ ճանապարհով: Իջնելով մեքենայից` մոտենում է անծանոթին և հարցնում, թե ինչ է պատահել և ուր է այդպես վազում: Անծանոթն ասում է, որ իր կինը հղի է և գտնվում է ծանր
վիճակում արյունահոսում է, իսկ իրենց մոտ բժշկի տանելը շատ դժվար է: Այդ ժամանակ վարորդը հարցնում է նրան, թե ինչու էր վազում, ուր էր վազում և ի՛նչ էր մտածում վազելիս: Մարդը պատասխանում է, որ ինքը հավատացյալ է և վազելիս աղոթում էր Աստծուն ու խնդրում, որ Աստված իրենց հասցեով մի տաքսի ուղարկի: Այդտեղ տաքսու վարորդի համար ամեն բան հասկանալի է դառնում: Նա զարմանում և հիանում է այդ մարդու հավատքի և Աստծու մեծ սիրո և ամենակարողության վրա: Վարորդն իր մեքենայով հղի կնոջը տեղափոխում է հիվանդանոց, որտեղ փրկում են նրա ու փոքրիկի կյանքը: Այդ օրվանից վարորդն իր սիրտը նվիրում է Հիսուսին:
Աստված լսում է մեր աղոթքները ևս: Նա հոգում է մեր բոլոր կարիքներն ու հոգսերը, մեզ Իր ձեռքն է մեկնում մեր բոլոր ծանր պահերին: Աստված միշտ պատրաստ է օգնելու, միայն թե մենք պետք է մեր ողջ սիրտը նվիրենք Նրան, որպեսզի Նրանով կյանք ունենանք։ Ամեն: