Baxt nima?

Umr nima ey odam
Umr uchib ketgan qush
Armon nima ey odam
Armon esdan chiqqan tush
Omad nima ey odam
Ikkala sog' qo'lingdir
Orzu nima ey odam
Orzu yurgan yo'lingdir
Yolg'on nima ey odam
Yolg'on uzun ertakdir
Haq nimadir ey odam
Haqiqat qon yurakdir
Qayg'u nima ey odam
Qayg'u ham shirin armon
Baxt nimadir ey odam
Baxt bir burda qora non
Qora non nima ey odam
Qora non imon jo'ra
Imon nima ey odam
"Xalq dushmani"dan so'ra