Senga balki ayon balki noayon

Bir hayot hadisin aylayin bayon
Mayli suvlar kechgin mayli o'tda yon
Hargiz iltimosga kuning qolmasin!
Sargardon yo'llarda qolsang hamki och
Sabru qanoatni qilgil bowga toj
Notanti y6ldowga bölma hech muhtoj
Hargiz iltimosga kuning qolmasin!
Ta'nadir dunyoda yomondan yomon
Non berib rangingni etgaydir somon
Aqling butun b6lsa to'rt muchang omon
Hargiz iltimosga kuning qolmasin!
Bo'ri emas deysan odam odamga
Ko'zing kattaroq och boqqil olamga
Birov otamga der birov onamga
Hargiz iltimosga kuning qolmasin!
Sahovat ahliga garchi yuz burdim
Gohi dam hayratda lol qotib turdim
Norning it oldida cho'kkanin ko'rdim
Hargiz iltimosga kuning qolmasin!
OH, do'stim, demagil qaydam bu tuyg'u
She'rim sen uchun ham bo'lolsin ko'zgu
Mening bir jaydari falsafamdir bu:
Hargiz ILTIMOSGA KUNING QOLMASIN!