მატარებელი მისდევს ლიანდაგს.

ორთქლმავალს კვალი რჩება ზოლების,
და ერთმანეთზე ვზრუნავთ ნიადაგ
ამოუხსნელი მეტაფორები...
ერთმანეთს ვეძებთ გზებით ირიბით,
და სანამ ზეცას დავიზეპირებთ,
ერთმანეტისკენ სავალ ბილიკებს
ვაწყობთ და ვკეცავთ რებუსებივით....
ჩვენ ვერ ვივიწყებთ ერთურთს ღმერთმანი,
ლაბირინთია მარტო ვნებები
და ჩვენს ქუჩაზე კვეთენ ერთმანეთს
წილადები და განტოლებები...
მატარებელი მისდევს ლიანდაგს.
ორთქლმავალს კვალი რჩება ზოლების,
და ერთმანეთზე ვზრუნავთ ნიადაგ
ამოუხსნელი მეტაფორები..
სოსო ნადირაძე