Текст песни Неизвестен — Марие Дево Чистая

"Владычице Пречистая, Царице, Мати Божія:
Святая Дѣво чистая, руно, росу пріимшее:
Небесъ свѣтлѣйшихъ высшая, самихъ лучей свѣтлѣйшая:
Дѣвичьихъ ликовъ радосте, безплотныхъ силъ святѣйшая:
Небесныхъ высей свѣтлая, Всевышняго селеніе:
Маріе приснохвальная, Владычице всепѣтая:
2. Подательнице кроткая надежды и покрова:
Чертоже приснодѣвственный, кивоте Бога Слова:
Отроковице тихая, виновнице спасенія:
Благоуханный цвѣте пречистѣйшаго дѣвства:
О славнѣйшая серафимъ, и херувимъ честнѣйшая:
Премірныхъ ликовъ ангельскихъ восторгъ и удивленіе:
3. Ты предстоиши Сыну у самаго Престола:
Твоей взыскую милости, Родительнице Слова:
О древо жизни вѣчныя, о Дѣво, Матерь Славы:
Молю Тя тепле, Чистую, Преосвященный Храме:
Очисти мя, избави мя грѣховныя пучины:
Вручи мя милосердію Божественнаго Сына:
Радуйся, Невѣсто неневѣстная.
Агни Парфене — на русском текст песни:
"Марие, Дево чистая, Пресвятая Богородице
Радуйся, Невесто Неневестная
Царице, Мати Дево, руно всепокрывающее
Радуйся, Невесто Неневестная
Превысшая небесных сил, нетварное сияние
Радуйся, Невесто Неневестная
Ликов девичих радосте и ангелов превысшая
Радуйся, Невесто Неневестная
Небес честная сило и Свете паче всех светов
Радуйся, Невесто Неневестная
Честнейшая владычице всех небесных воинств
Радуйся, Невесто Неневестная
Всех праотцев надеждо, пророков исполнение
Радуйся, Невесто Неневестная
В подвизех ты помоще, кивоте Бога слова
Радуйся, Невесто Неневестная
И девам ликование и матерем отрадо
Радуйся, Невесто Неневестная
Целомудрия наставнице, душ наших очищение
Радуйся, Невесто Неневестная
Покрове ширший облака и страждущих пристанище
Радуйся, Невесто Неневестная
Немощных покров и заступнице, надеждо ненадежных
Радуйся, Невесто Неневестная
Марие, мати Христа, истиннаго Бога
Радуйся, Невесто Неневестная
Ааронов жезле прозябший, сосуде тихой радости
Радуйся, Невесто Неневестная
Всех сирых и вдов утешение, в бедах и в скорбех помоще
Радуйся, Невесто Неневестная
Священная и непорочная владычице всепетая
Радуйся, Невесто Неневестная
Приклони ко мне милосердие божественнаго сына
Радуйся, Невесто Неневестная
Ходатайце спасения, припадая взываю ти
Радуйся, Невесто Неневестная"