Першая трансгенная карова з’явілася на свет дзякуючы біёлагам Ілінойскага ўніверсітэта ў ЗША і ўніверсітэта Сан-Паўлу ў Бразіліі.

Артыкул пра іх дзейнасць апублікавалі ў часопісе The Biotechnology Journal.
Навукоўцы дадалі сегмент чалавечай ДНК, які кадуе праінсулін, у клеткі эмбрыёна каровы. Так нарадзілася першае трансгеннае цяля. Калі жывёла вырасла, ёй з дапамогай гармонаў стымулявалі лактацыю.
Пры даследванні малака новага віда каровы вызначылася, што канцэнтрацыя праінсуліну і інсуліну ў ім склала некалькі грамаў на літр. А з аднаго грама можна атрымаць 28 818 доз гатовых лекаў.
У планах біёлагаў кланаваць цуда-карову і стварыць трансгенных быкоў. Даследчыкі спадзяюцца, што гэта дапаможа вырашыць праблему дэфіцыту чалавечага інсуліну ў свеце.
Па дадзеных Сусветнай арганізацыі аховы здароўя, у 2021 годзе на цукровы дыябет пакутавалі больш за 529 мільёнаў чалавек. Прагназуецца, што да 2050 года іх колькасць дасягне 1,5 мільярда.
Крыніца: https://analyticalsciencejournals.onlinelibrary.wiley.com/doi/10.1002/biot.202300307