У палацы Горватаў у Нароўлі знялі кліп з прывідамі

Учора ў беларускага панк-гурта Zvonku выйшаў кліп на песню «Калыханка». Кліп цікавы тым, што яго здымалі ноччу ў палацы Горватаў XIX стагоддзя, а на здымкі «запрасілі» Белую панну Нароўлі – мясцовую легендарную істоту.
Па словах музыкаў, падчас здымкаў адбылося незвычайнае – у самы эмацыйны момант трэку дзверы ў палац раптоўна адчыніў моцны парыў ветру і ў калідоры эпічна ўзняўся пыл. Незапланавыныя спецэфекты трапілі на камеру.
Спадзяемся, гэта быў добры знак, бо, як вядома, палац знаходзіцца ў актыўным працэсе рэстаўрацыі і пакуль яшчэ чакае таго часу, калі ў яго зноў уварвецца жыццё. На сённяшні дзень працягваюцца працы з дахам і ідзе пошук спецыялістаў, якія могуць дапамагчы аднавіць фасад.
Крыніца: https://youtu.be/HN5rUABrCtE?feature=shared