17 мая ў Гомелі пройдзе «Ноч музеяў-2025».

Паглядзелі, якія імпрэзы рыхтуюць гомельскія ўстановы
Пакуль інфармацыя аб акцыі маецца ў філіяла Веткаўскага музея ў Гомелі і ў палаца Румянцавых і Паскевічаў.
У Веткаўскім музеі зладзяць імпрэзу пад назвай «Гуляла пава». Пачнецца яна а 17:00. Уваход – ахвяраванне любога памеру.
У палацы праграма называецца «Музейный субботник». Арганізатары абяцаюць маштабны перфоманс-парад з вершамі Маякоўскага, вядомымі савецкімі фігурамі-скульптурамі і межпланетным шахматна-шашачным турнірам пры ўдзеле Астапа Бэндэра і Шуры Балаганава.
Таксама плануецца выступ мінскіх саксафаністаў SaXaS і музыкальна-паэтычны вечар.
Наведвальнікаў просяць апрануцца ў любы вобраз у стылі эпохі СССР.
Імпрэза працягнецца з 19:00 да 22:30. Кошт для дарослых – 20 рублёў, студэнтаў і пенсіянераў – 15 рублёў, дзяцей да 7 гадоў – бясплатна.
Крыніца: https://www.instagram.com/p/DJQs-tlKn9l/?igsh=MW0yM3IzYWM3ZWFvZg==