Мерзнуць прыйдзецца яшчэ доўга.

Сіноптыкі прагназуюць халады да канца мая
Спецыялісты мяркуюць, што ўвесь наступны тыдзень будзе такім жа халодным, што і гэты.
«Халоднае паветра паўночных шырот, што паступае ў Беларусь, адкінула нас па тэмпературным рэжыме амаль на месяц таму. Так, за апошнія суткі сярэдняя тэмпература паветра па рэспубліцы склала 4-10 градусаў цяпла, што на 3-7 градусаў ніжэй за кліматычную норму», – паведамляюць у «Белгідрамеце».
Ноччу абяцаюць замаразкі, а з 10 мая да халадоў дададуцца яшчэ і дажджы. Улічваючы мінусавую тэмпературу па начах, магчымы і мокры снег таксама.
Па інфармацыі чата nadvorie, з 19 па 26 мая стане крыху цяплей, але таксама на 1-3 градусы ніжэй за кліматычную норму.
Што тут сказаць – давайце саграваць адзін аднаго абдымкамі і частаваць гарачай гарбатай ці глінтвейнам😅