Дырэктар Інстытута хіміі новых матэрыялаў Аляксандр Рагачоў аб’явіў, што ў Нацыянальнай акадэміі навук стварылі першую доследную партыю экалагічных аднаразовых кубачкаў.

Упакоўка, у якую наліваюць каву навынас сёння – адна з самых праблемных відаў смецця. У яе складзе ёсць тонкі слой поліэтылену, які забяспечвае непрамакальнасць. Праз гэта кубачкі не перапрацоўваюцца, а пры раскладанні тонкі поліэтылен распадаецца на мікрапластык, які складана адфільтраваць. Ён трапляе ў арганізмы жывёл, раслін і ў выніку – у чалавечы арганізм.
Беларускія навукоўцы прапанавалі замест поліэтылену выкарыстаць полілактыд – матэрыял на аснове полімалочнай кіслаты, якую атрымліваюць з расліннай сыравіны.
Полілактыд таксама не дазваляе размачыць паперу, але, у адрозненне ад сінтэтычных палімераў, ён цалкам біяраскладальны.
Раней выкарыстанне поліактыда было эканамічна немэтазгодным, бо атрымліваліся вельмі дарагія вырабы. Аднак нашым навукоўцам удалося выкарыстаць полілактыд з ніжэйшай малекулярнай масай і шчыльнасцю, што істотна зніжае кошт. Апроч гэтага, яго слой складае ўсяго 20 мікрон – танчэй за волас.
Цяпер першая партыя папярова-полілактыдных аднаразовых кубачкаў праходзіць экспертызу.
Па словах Рагачова, пасля ацэнкі бяспекі ў вадзе, кіпні, растворах харчовых кіслот вынікі нядрэнныя. Магчыма, што з полілактыднай плёнкай можна будзе ствараць і іншыя віды ўпакоўкі, напрыклад, пакеты.
Крыніца: https://belta.by/amp/tech/view/novyj-vid-bioupakovki-razrabotali-belorusskie-uchenye-714240-2025/