Мінчанка Таццяна Кароткая нарадзіла сваіх першых дзяцей, двух хлопчыкаў, у 2013 годзе, калі ёй было 54.

З тых часоў рэкорд не пабіў больш ніхто.
Па словах кіраўніка галоўнага ўпраўлення арганізацыі медыцынскай дапамогі Міністэрства аховы здароўя Леаніда Недзені, на сённяшні дзень медыцына зрабіла вялікі крок наперад. Не толькі жанчыны за 50 могуць стаць мамай, але і пацыенткі з цукровым дыябетам, эндакрыннай паталогіяй, парокам сэрца, анкалогіяй.
«На дадзены момант налічваецца больш за семдзесят жанчын з перасаджанай ныркай, якія паспяхова выносілі і нарадзілі дзіця», – дадае Недзень.
Акрамя гэтага, у беларусак ёсць бясплатная спроба ЭКА. А цяпер вядуцца размовы пра тое, каб і другая спроба была бясплатнай.
Сёння мы пісалі пра цікавую статыстыку ЭКА на Гомельшчыне – з пачатку года дзякуючы гэтаму метаду нарадзілася ўжо дзевятнаццаць дзяцей.
Крыніца: https://www.youtube.com/live/HLjE6PeZGDI?feature=shared