Учора ў мікрараёне «Хутар» пад балконамі заўважылі зайца

Ён проста сядзеў і назіраў за навакольным светам☺️
Відэа даслалі падпісчыкі «Моцных Навінаў». Пухнатага звярка заўважылі каля дома №26 па вулiцы Дзенісенкі а 20 гадзіне. Як паведамілі мясцовыя жыхары, зайца ніхто не чапаў, праз нейкі час ён сам збег.
На відэа сярод травы паважна сядзіць заяц-русак, якi зазвычай жыве ў полі, на лугах ды высечках лесу.
Варта адзначыць, што чапаць, гладзіць і тым больш браць да сябе дадому дзікіх жывёл небяспечна.