Пра адмену эканамічных санкцый супраць Сірыі паведаміла ў сацсетцы Х кіраўніца еўрапейскай дыпламатыі Кая Калас па выніках пасяджэння Савета ЕС у Бруселі.

Рашэнне міністры замежных спраў краін ЕС прынялі 20 мая.
«Сёння мы прынялі рашэнне зняць эканамічныя санкцыі з Сірыі. Мы хочам дапамагчы сірыйскаму народу аднавіць новую, інклюзіўную і мірную Сірыю», – напісала яна.
Большасць абмежаванняў ЕС ўвялі пасля жорсткага падаўлення Башарам Асадам сірыйскіх пратэстаў у 2011 годзе.
Пасля таго, як рэжым Асада быў скінуты ў снежні 2024 года ісламісцкай групоўкай «Хаят Тахрыр аш-Шам» (HTS), яны пачалі заклікаць да адмены шырокамаштабных санкцый, каб дапамагчы разбуранай вайной эканоміцы краіны.
ЕС вядзе актыўны дыялог з новымі сірыйскімі ўладамі. У канцы лютага 2025-га шэраг абмежаванняў у энергетычным, транспартным і банкаўскім сектары нарэшце пачалі адмяняць.
Амерыканскія санкцыі таксама плануюць ануляваць. Гэта паабяцаў зрабіць Дональд Трамп, калі сустракаўся з часовым лідэрам Сірыі Ахмедам аш-Шараа 14 мая.
Крыніца: https://x.com/kajakallas/status/1924862192018477182