Не падʼезд, а карцінная галерэя!

Завіталі ў яшчэ адзін немаверна утульны дом на Макаёнка
Раней «Моцныя Навіны» паказвалі вам яскрава размаляваны пад’езд у дома па вуліцы Макаёнка, 35. Сёння мы завіталі ў вытанчаны дом, што месціцца па адрасе Макаёнка, 27.
Жылы дом пабудаваны 7 ці 8 гадоў таму. Як расказалі яго жыхары, праз кароткі час пасля засялення ім прыйшлося сутыкнуцца з крадзяжамі ў кватэрах. У будынак лёгка пранікалі наркаманы і ўладкоўвалі там прытон. Здараліся факты вандалізму. А кабінкі ліфтаў некаторыя выкарыстоўвалі ў якасці туалета.
Таму жыхары вырашылі на агульным сходзе ўстанавіць камеры відэаназірання ў ліфтах. Гэта значна палепшыла сітуацыю.
У далейшым аздабленні паўдзельчалі некалькі чалавек. Хтосьці пачаў першым – вынес і прымацаваў на сцяне насупраць ліфта рэпрадукцыі вядомых карцін. Далей нехта паставіў расліны. Потым жыхары з адзінаццатага паверха размалявалі сцены. На некаторых вокнах нават павесілі фіранкі.
Адзін з гаспадароў кватэры на шаснаццатым паверсе не стаў выкідваць рэшткі ламінату ў кантэйнер для смецця, а ўдала прыстасаваў іх для абароны сцяны ад забруджвання, змайстраваўшы прыгожы штыкетнік.
Пагадзіцеся, прыемна глядзець! І класна, што такія добрыя справы досыць заразныя❤️ Можа і вам захочацца ўпрыгожыць так свой пад’езд.
Крыніца: https://newsgomel.by/archive_news/society/zhiteli-prevratili-svoy-dom-v-kartinnuyu-galereyu-s-oranzhereey_36957.html