«Беллегпрам» паказаў, як будзе выглядаць школьная форма ў новым навучальным годзе

На мінскім прадпрыемстве «Камволь» прайшло паседжанне мастацкага савета, на якім зацвердзілі новую школьную форму. На фота паказалі толькі два варыянты для дзяўчынак. Першы – цёмна-сіні касцюм са штанамі, жакетам і белай кашуляй, другі – сарафан і белая блузка з адкладным каўняром.
Нагадаем, раней Міністэрства адукацыі прыняла пастанову, дзе падрабязна прапісана, у якім адзенні дзецям можна наведваць школу.
А што да коштаў, кіраўніца «Беллегпрама» Таццяна Лугіна выказала думку, што цалкам апрануць дзіця ў школу можна за 350 рублёў. А стартуюць кошты на школьную форму ў новым навучальным годзе ад 270 рублёў.
Фота: «Беллегпрам»
Крыніца: https://t.me/bellegprom/8863